ءبىلىم • 15 تامىز، 2022

ورىس تىلىندە وقىتاتىن سىنىپتار جابىلۋى مۇمكىن بە؟

92 رەت كورسەتىلدى

كەيبىر باق پەن الەۋمەتتىك جەلىلەردە 6-7 جىل ىشىندە قازاقستاندىق مەكتەپتەردە ورىس تىلىندە وقىتاتىن سىنىپتار جابىلاتىنى تۋرالى اقپارات تارادى، دەپ حابارلايدى Egemen.kz stopfake.kz-كە سىلتەمە جاساپ.

«قازاقستاندا ورىس مەكتەپتەرىنىڭ بولاشاعى بار ما؟» ماتەريالى ەكى جىل بۇرىن 31 ارنادا «ينفورمبيۋرو» ەفيرىندە شىققان. وعان ەلورداداعى №90 گيمنازيانىڭ ديرەكتورى اياتجان احمەتجان ۇلىنىڭ پىكىرى ۇسىنىلعان باق-تاعى اقپارات نەگىز بولعان. سيۋجەتتە ورتا ءبىلىم بەرۋ سالاسىنداعى ۇردىستەر تالقىلاندى. سونداي-اق ورىس ءتىلدى مەكتەپتەردەگى وقۋشىلار سانىنىڭ ازايۋى ءسوز بولدى. گيمنازيا ديرەكتورى قالعان وقۋشىلار بولاشاقتا باسەكەگە قابىلەتسىز بولىپ قالۋى مۇمكىن دەگەن پىكىرىن ءبىلدىرىپ، اتا-انالاردى مەملەكەتتىك ءتىلدى مەڭگەرۋ ءۇشىن بالالاردى قازاق مەكتەپتەرىنە بەرۋگە شاقىردى. سونىمەن قاتار سيۋجەتتە ءبىلىم ساراپشىلارىنىڭ قازاق ليگاسىنىڭ ۆيتسە-پرەزيدەنتى ناتاليا درەيتتىڭ دە پىكىرى ۇسىنىلدى. ول ورىس جانە قازاق مەكتەپتەرى تولى جانە ماسەلە مۇعالىمدەردىڭ جەتىسپەۋشىلىگىندە، ال بۇل جاعدايدى پەداگوگتەردىڭ مارتەبەسى تۋرالى زاڭ وزگەرتۋى ءتيىس دەپ مالىمدەدى. بۇگىندە بۇل ماتەريال پابليكتەردە ادەيى بۇرمالانىپ جاريالانۋدا»، دەپ ءتۇسىندىردى «31 ارنا» وكىلدەرى

وسى ورايدا وقۋ-اعارتۋ مينيسترلىگى ورىس تىلىندە وقىتاتىن سىنىپتاردى جابۋ تۋرالى اقپاراتقا قاتىستى تۇسىنىكتەمە بەردى.

«بۇل اقپارات شىندىققا جاناسپايدى. قازاق سىنىپتارىندا دا، ورىس تىلىندە وقىتاتىن سىنىپتاردا دا ورىس ءتىلى بۇرىنعىداي وقىتىلادى، باسقا جوسپار جوق»، دەدى قازاقستان رەسپۋبليكاسىنىڭ وقۋ-اعارتۋ ءبىرىنشى ۆيتسە-ءمينيسترى شولپان كارينوۆا.

سوڭعى جاڭالىقتار

ۇقساس جاڭالىقتار