قتف حابارلاعانداي, جارىستىڭ ءبىرىنشى راكەتكالارى بولىپ تىركەلگەن اننا دانيلينا امەريكالىق سوفي چانگپەن بىرگە فينالعا دەيىن جەتتى.
سوڭعى باسەكەدە قازاقستاندىق-امەريكالىق جۇپ وڭتۇستىككورەيالىق حان-نا لي مەن دجان-سۋ يونگپەن باس جۇلدەنى ساراپقا سالدى.
دانيلينا مەن چانگ قارسىلاستارىن 2:6, 7:6 (7:4), 11:9 ەسەبىمەن ۇتتى.
وسىلايشا, اننا دانيلينا حالىقارالىق تەننيس فەدەراتسياسى (ITF) وتكىزگەن تۋرنيرلەردە 26-تيتۋلىنا قول جەتكىزدى. سونىمەن قاتار WTA جارىستارىندا ءۇش رەت (2021 جىلى – Poland WTA-250 جانە 2022 جىلى – Sydney WTA-500, Warsaw WTA-250) جەڭىمپاز اتانعان ەدى.
