قوعام • 15 تامىز، 2022

ەرەكشە بالالارعا قامقور ورتالىق

43 رەت كورسەتىلدى

ەرەكشە بالالاردى تاربيەلەپ وتىرعان اتا-انالار كىشكەنتايى­نىڭ قاتاردان قالماي، دۇنيەتانىمى، ومىرگە بەيىمدەلۋ داعدىسى قاجەتتى دەڭگەيدە قالىپتاسقانىن قالايتىنى انىق. وسى ساناتتاعى وتباسىلاردىڭ قاسىنان تابىلىپ، جان-جاقتى قولداۋ كورسەتەتىن ورتالىقتاردىڭ قاتارى كوبەيىپ جاتقانى قۋانتادى. جاقىندا نۇر-سۇلتان قالاسىندا مۇمكىندىگى شەكتەۋلى بالالارعا عانا ەمەس، ولاردىڭ اتا-اناسىنا دا قاجەت كومەك تۇرلەرىن كورسەتەتىن ورتالىق اشىلدى.

جاڭادان اشىلعان «باقىت­تى شاڭىراق» وقىتۋ-وڭالتۋ ورتالى­عىنىڭ ەرەكشە قاجەتتىلىكتەرى بار بالا­لاردى ءوسىرىپ وتىرعان وتباسى­لارعا تيگىزەتىن كومەگى كوپ. بۇل استانادا جۇمىس ىستەيتىن وسىنداي ورتالىقتاردىڭ ءتورتىنشىسى ەكەن. ورتالىقتىڭ اشىلۋ سالتاناتىنا نۇر-سۇلتان قالاسىنىڭ اكىمى التاي كولگىنوۆ قاتىسىپ، ەرەكشە بالالارعا قامقورلىق، ولاردىڭ اتا-انالارىن قولداۋ قاشاندا نازاردا بولاتىنىن اتاپ ءوتتى.

اكىمنىڭ ايتۋىنشا، «باقىتتى شاڭىراق» ورتالىعى مۇمكىندىگى شەك­تەۋلى 600-دەن استام بالانى قام­تيدى. ورتالىقتىڭ ەرەكشەلىگى – مۇمكىندىگى شەكتەۋلى بالالارعا عانا ەمەس، ولاردىڭ انالارىنا دا قاجەت كومەك تۇرلەرى كورسەتىلەدى. مۇندا ەرەكشە بالالاردىڭ انالارىنا قايتا ءبىلىم الۋ، بىلىكتىلىگىن ارتتىرۋ كۋرستارىنان ءوتۋ، جۇمىسقا ورنالاسۋ بويىنشا جاردەم بەرىلەدى. سول سياقتى پسيحولوگيالىق كومەك تە كورسەتىلەدى.

«مەملەكەت باسشىسىنىڭ تاپ­سىر­ماسى بويىنشا ەرەكشە قاجەت­تىلىكتەرى بار بالالارعا جان-جاقتى جاعداي جاساۋ ماسەلەسىنە ەرەكشە كوڭىل بولىنەدى. كەيىنگى جىلدارى وڭالتۋ ورتالىقتارىنىڭ جەلىسى ايتارلىقتاي ارتتى. وسىلايشا، 15-تەن اسا ورتالىق اشىلدى، ولار 4 مىڭعا جۋىق مۇمكىندىگى شەك­تەۋ­لى بالانى قامتىپ وتىر. وڭالتۋ ورتا­لىقتارى مەن كومەك كورسەتۋ ورتالىقتارى ەرەكشە بالالار­دىڭ اتا-انالارى ءۇشىن اۋاداي قا­جەت. سەبەبى مۇنداي ورتالىقتار بالا­نىڭ دەنساۋلىعىن جاقسارتۋعا جانە ولاردى الەۋمەتتەندىرۋگە كو­مەك­تەسەدى. ماسەلەن، وسىعان دەيىن «اسىل ميراس»، «وردا»، «بالام-اي» وڭالتۋ ورتالىقتارى، سول سياق­تى №1 قالالىق بالالار اۋرۋحا­نا­سى بازاسىندا «قامقورلىق» وڭالتۋ ورتالىعى اشىلدى. ولار دتسپ،
اۋتيزم، داۋن سيندرومى جانە جۇ­رەك تالماسى سەكىلدى دياگنوزى بار بالالاردى وڭالتۋمەن اينالىسادى. سونداي-اق بىلىكتىلىكتى ارت­تىرۋ جانە جۇمىسقا ورنالاستىرۋ ماسەلەسىنە ارنالعان ورتالىقتار، بەلسەندى ۇزاق ءومىر ءسۇرۋ ورتالىعى (ارداگەرلەر ءۇيى)، الەۋمەتتىك ورتا­لىقتار («جانۇيا» وتباسى ينستيتۋتىن قولداۋ ورتالىعى)، كورۋ قابى­لەتى بۇزىلعان بالالارعا ارنال­عان مامانداندىرىلعان بالا­باقشا (سارىارقا اۋدانى، كەنە­سارى كوشەسى 9/1) اشىلدى»، دەدى ا.كولگىنوۆ.

«باقىتتى شاڭىراق» ورتا­لى­­عىنىڭ اشىلۋىنا پارلامەنت ءماجىلىسىنىڭ دەپۋتاتتارى دينارا زاكيەۆا مەن يۋليا كۋچينسكايا دا كەلىپ، تىلەكتەستىگىن ءبىلدىردى.

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار