ايماقتار • 15 تامىز، 2022

732،5 ملرد تەڭگە تارتىلادى

45 رەت كورسەتىلدى

قاراعاندى وبلىسىنداعى ساران قالاسىنىڭ يندۋستريالىق ايماعى ەل نازارى اۋعان ەكونوميكالىق اۋماققا اينالىپ كەلە جاتقانى راس. بۇگىندە شاعىن عانا بۇل قالادا ءوندىرىس وشاقتارىنىڭ قۇرىلىسى قىزۋ ءجۇرىپ جاتىر. مۇنىڭ ءوزى ساران قالاسىنا مول ينۆەستيتسيا تارتۋ ماسەلەسىنە وڭ ىقپالىن تيگىزە باستاعانى دا جاسىرىن ەمەس.

تاياۋدا وبلىستىق اكىمدىكتەگى جاڭا ينۆەستيتسيالىق كاسىپورىندار تۋرالى وتكەن كەڭەستە وسى ساران قالاسىندا تەلەديدار، ەلەكتر سۋ جىلىتقىش، شاڭسورعىش، اس ءۇي پەشى، شاعىن پەش، اس ءۇي سورعىشى، كىر جۋعىش ماشينا جانە باسقا دا تۇرمىستىق تەحنيكالار شىعاراتىن Artel زاۋىتىنىڭ پايدا بولاتىنى ءمالىم بولدى. قۇرىلىسى كۇزدە باستالاتىن بۇل كاسىپورىنىڭ وندىرىستىك قۋاتى جىلىنا 1،1 ملن دانا ءونىم شىعارۋعا جەتەدى دەپ جوسپارلانعان.

جالپى، اتالعان كەڭەستە ءمالىم بولعانداي، وبلىستا بارلىعى 212،7 ملرد تەڭگە سوماسىنا 11 ينۆەستي­تسيالىق جوبا، ونىڭ ىشىندە شەتەلدىك كاپيتالدىڭ قاتىسۋىمەن بەس بىردەي جوبا جۇزەگە اسىرىلىپ جاتىر. جاۋاپ­تى ماماندار ولاردى ىسكە قوسۋ­دىڭ ناتيجەسىندە 2 مىڭعا جۋىق تۇراقتى جۇمىس ورنىن اشۋعا مۇم­كىندىك تۋاتىنىن ايتادى.

وبلىستىق ونەركاسىپ جانە ين­دۋس­تريالىق-يننوۆاتسيالىق دامۋ باس­قارماسىنىڭ باسشىسى مۇرات قى­دىرعانبەكوۆ بۇگىننىڭ وزىندە يمپورتتى الماستىرۋشى ءبىر جوبانىڭ ىسكە قوسىلعانىن مالىمدەدى.

– بۇل – «سارىارقا» ەەا اۋما­عىندا گەومەمبرانا شىعارۋمەن اينالىساتىن «التىنارنا Geosynthetics» جشس جوباسى. كاسىپورىندا قازىر 30 ادام ەڭبەك ەتەدى، – دەپ اتاپ ءوتتى باسقارما باسشىسى.

پ

سونىمەن قاتار  م.قىدىرعانبەكوۆ جىل سوڭىنا دەيىن بالقاشتا ساعاتىنا 50 مۆت-قا دەيىن قۋات وندىرەتىن كۇن ەلەكتر ستانساسى ىسكە قوسىلاتىنىن جانە وندا 20 ادامنىڭ جۇمىسپەن قامتىلاتىنىن جەتكىزدى.

ساران قالاسىندا ءۇمىت ارتقان ۇلكەن جوبا – «تاتنەفت» كومپا­نياسىنىڭ قاتىسۋىمەن سالىنىپ جاتقان KamaTyresKZ شينا زاۋىتى جىل سوڭىنا اياعىنا دەيىن ىسكە قوسىلماق. كاسىپورىن جۇمىس ىستەي باستاعاندا 1 116 ادام جۇمىسپەن قامتىلادى دەگەن بولجام بار.

سونداي-اق الداعى ۋاقىتتا وسى شاعىن قالادا قاعاز نەگىزىندەگى سا­نيتارلىق-گيگيەنالىق ءونىم ءوندى­رىسى جۇمىس ىستەي باستايدى. اۋەل­دە شيكىزات شەتەلدەن ساتىپ الىن­عانىمەن، كەلەشەكتە كاسىپورىن قاعاز نەگىزدى ءوز بەتىنشە دايىندايتىن بو­لادى. الدىن الا ەسەپتەۋلەرگە قا­راعاندا، مۇنىڭ ءوزى زاۋىتتىڭ قۋا­تىن جىلىنا 21،4 مىڭ تونناعا دەيىن ارتتىرۋعا مۇمكىندىك بەرەدى. ايتا كەتۋ كەرەك، 100 ادامعا جۇمىس تاۋىپ بەرەتىن اتالعان كاسىپورىن – مونوقالالاردى دامىتۋ، «بيزنەستىڭ جول كارتاسى» مەملەكەتتىك باعدارلا­مالارىنىڭ قاتىسۋشىسى.

بۇدان بولەك، وبلىستا كاتودتى مىس وندىرەتىن جاڭا زاۋىت پايدا بولادى. جىلىنا بەس مىڭ تونناعا دەيىن كاتودتى مىس شىعارۋعا قۋاتى جەتەتىن بۇل كاسىپورىندا 140 ادام جۇمىس ىستەمەك.

كەڭەسكە قاتىسقان وبلىس اكىمى جەڭىس قاسىمبەك بيىلعى ءبىرىنشى جارتىجىلدىقتا تارتىلعان ينۆەس­تيتسيا كولەمىنىڭ 264 ملرد تەڭگەدەن اسقانىن اتاپ ءوتتى.

– جىل سوڭىنا دەيىن وتكەن جىلعا قاراعاندا 5،5 % وسىممەن 732،5 ملرد تەڭگە ينۆەستيتسيا تارتۋ جوسپارلانعان. بۇل جوبالاردى ىسكە قوسۋ ءوندىرىس كولەمىن ۇلعايتۋعا، شيكىزاتتىق ەمەس ەكسپورتتىڭ ءوسۋىن قامتاماسىز ەتۋگە جانە يمپورت كولەمىن تومەندەتۋگە مۇمكىندىك بەرەدى، – دەدى جيىندى قورىتىندىلاعان ج.قاسىمبەك.

 

قاراعاندى وبلىسى

سوڭعى جاڭالىقتار

ايتىپ كەلگەن اپات

ايماقتار • كەشە

«مىڭ بالا» جەڭىمپازدارى

رۋحانيات • كەشە

اقيقاتتىڭ اي ديدارى – ءباسپاسوز

ەگەمەن قازاقستان • كەشە

ىنتىماقتاستىق ىقپالى

ەكونوميكا • كەشە

جاڭا فورماتتاعى ساۋدا

ەكونوميكا • كەشە

جوتەلگە جەڭىل قاراماڭىز

مەديتسينا • كەشە

بىتىمگەرشىلىك ساردارلارى

قازاقستان • كەشە

جىپ-جىلى جۇرەك بۋىنداي

ادەبيەت • كەشە

داۋىستىڭ دا ءتۇسى بار

ادەبيەت • كەشە

ۇقساس جاڭالىقتار