ايماقتار • 13 تامىز، 2022

ورالدا تۇرعىن ءۇي اۋلاسىنان ەسىرتكى زەرتحاناسى تابىلدى

24 رەت كورسەتىلدى

ورالدا تۇرعىن ءۇيدىڭ اۋلاسىنان ەسىرتكى زەرتحاناسى تابىلدى، دەپ حابارلايدى Egemen.kz.

بقو پوليتسيا دەپارتامەنتى ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى «قاراسورا – 2022» جەدەل الدىن الۋ ءىس-شاراسى كەزىندە انىقتاعانىنداي، ورال قالاسىنىڭ 1971 جىلعى تۇرعىنى قاراسورا وسىرەتىن جىلىجايدى ۇيىمداستىرعان.

باسقارما باستىعىنىڭ مىندەتىن ۋاقىتشا اتقارۋشى، پوليتسيا پودپولكوۆنيگى ءانۋار حالەلوۆتىڭ ايتۋىنشا، اتالعان تۇرعىن تىيىم سالىنعان وسىمدىكتەردى ءوسىرۋ ءۇشىن ءۇيىنىڭ اۋلاسىنا ارنايى جابدىقتار ورناتىپ، تىڭايتقىشتار ساتىپ العان.

ء«ۇيدىڭ اۋلاسىنان جاسىرىن قورشالعان بولمە تابىلدى، ونىڭ ىشىندە قاراسورا ءتارىزدى وسىمدىكتەرى بار بەس پلاستيكالىق كونتەينەر بولدى. سونداي-اق گاراجدا ەسىرتكى زەرتحاناسى رەتىندە جابدىقتالعان جاسىرىن جەرتولە انىقتالدى. قابىرعالارى ارنايى ماتەريالمەن قاپتالعان، وسىمدىكتەردى وسىرۋگە ارنالعان جارىق شاشقىش جانە جىلۋ شامدارىمەن جابدىقتالعان، سورۋ جۇيەلەرى، گرادۋستىق قۇرىلعىلارى بار اۋا ىلعالداندىرعىش ورناتىلعان. ءتىنتۋ كەزىندە قاراسورا ءتارىزدى وسىمدىك بۇتالارى، بەلگىلى ءبىر ءيىسى بار جاسىل وسىمدىك تەكتەس زات، قاراسورا تۇقىمىن وراۋ، ەلەكتروندىق تارازى، وسىمدىكتەردى وسىرۋگە ارنالعان ءتۇرلى تىڭايتقىش تاركىلەندى. ءتيىستى ساراپتاما تاعايىندالدى، دەدى ءا.حالەلوۆ.

قازىرگى كەزدە اتالعان دەرەك بويىنشا قر قك 300-بابى 1-بولىگىنە (قۇرامىندا ەسىرتكى زاتتارى بار، وسىرۋگە تىيىم سالىنعان وسىمدىكتەردى زاڭسىز ءوسىرۋ) سايكەس سوتقا دەيىنگى تەرگەۋ امالدارى جۇرگىزىلۋدە.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار