قازاقستان • 12 تامىز، 2022

«جەر اماناتى» كوميسسياسىنىڭ «جەدەل جەلىسىنە» مىڭعا جۋىق ءوتىنىش ءتۇستى

136 رەت كورسەتىلدى

«جەر اماناتى» كوميسسياسىنىڭ «جەدەل جەلىسىنە» جەر ماسەلەلەرى بويىنشا 985 ءوتىنىش كەلىپ ءتۇستى. ونىڭ بارلىعى وڭىرلىك كوميسسيالاردىڭ قاراۋىنا بەرىلدى، دەپ حابارلايدى Egemen.kz.

«بۇگىندە اۋىل شارۋاشىلىعى ماقساتىنداعى جەر تاپشىلىعى ماسەلەسى وزەكتى پروبلەما بولىپ وتىر. پارتيانىڭ ءموبيلدى قوعامدىق قابىلداۋى ەل ارالاعان كەزدە ءوڭىر تۇرعىندارى وسى ماسەلەلەردى كوتەردى. ءبىر ايدا «جەر اماناتى» كوميسسياسىنىڭ «جەدەل جەلىسىنە» جەر ماسەلەلەرى بويىنشا 985 ءوتىنىش كەلىپ ءتۇستى. كوبىنەسە بۇل وتىنىشتەر جايىلىم جەر ءبولۋ ماسەلەسىنە – 62%، شالعايداعى جايىلىمدار مەن جەر ۋچاسكەلەرىن الۋ كەزىندە كومەك كورسەتىلۋىنە – 28% قاتىستى بولدى»، دەدى AMANAT پارتياسى رەسپۋبليكالىق قوعامدىق قابىلداۋ بولمەسىنىڭ مەڭگەرۋشىسى ءاليا سادىرباەۆا. 

7 شىلدەدە «جەر اماناتى» كوميسسياسىنىڭ جەر ماسەلەلەرى جونىندەگى «جەدەل جەلىسى» ىسكە قوسىلعان بولاتىن. وسىلايشا، قازاقستاندىقتار بارلىق زاڭ بۇزۋ فاكتىلەرى تۋرالى 8 800 080 44 41 تەلەفونى بويىنشا حابارلاي الادى. وتىنىمدەر WhatsApp ارقىلى دا + 77008004441 ءنومىرى بويىنشا قابىلدانادى. 

AMANAT پارتياسى رەسپۋبليكالىق قوعامدىق قابىلداۋ بولمەسىنىڭ اقپاراتىنا سايكەس، جەر ماسەلەلەرىنە قاتىستى وتىنىشتەردىڭ باسىم كوپشىلىگى تۇركىستان (53،1%)، شىعىس قازاقستان (17%)، اقمولا (8،3%) جانە پاۆلودار (8،3%) وبلىستارىنىڭ تۇرعىندارىنان كەلىپ ءتۇستى. 

ايتا كەتۋ كەرەك، «جەر اماناتى» كوميسسياسى جۇمىسىنىڭ ناتيجەسىندە مەملەكەت مەنشىگىنە ەلىمىز بويىنشا 293،2 مىڭ گەكتار جايىلىم جەر قايتارىلدى. 

اتاپ ايتقاندا، قاراعاندى وبلىسىندا – 82 مىڭ گا، قوستاناي وبلىسىندا – 67،1 مىڭ گا، جامبىل وبلىسىندا – 46،3 مىڭ گا، جەتىسۋ وبلىسىندا – 41،9 مىڭ گا، اقتوبە وبلىسىندا – 20 مىڭ گا، تۇركىستان وبلىسىندا – 17 مىڭ گا، سولتۇستىك قازاقستان وبلىسىندا – 18،9 مىڭ گا. 

«جەر اماناتى» كوميسسياسىنىڭ جۇمىسى جالعاسۋدا.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار