الەم • 12 تامىز، 2022

دارحان قىدىرالى ماجارستان پارلامەنتىنىڭ ارنايى سەسسياسىنا قاتىستى

28 رەت كورسەتىلدى

بۇگىن ماجارستاننىڭ ۇلتتىق جينالىسى (پارلامەنت) عيماراتىندا «عۇن-تۇران»  قۇرىلتايىنا قاتىسۋعا ارنايى كەلگەن دەلەگاتسيا مۇشەلەرىن قابىلداۋ ءوتتى، دەپ حابارلايدى Egemen.kz.

پارلامەنتتىڭ جوعارعى پالاتاسىنىڭ سەسسيانا ماجارستان پارلامەنتىنىڭ ۆيتسە-سپيكەرى شاندور لەجاك، تمۇ اقساقالدار كەڭەسىنىڭ تۇركيا  تاراپىنداعى مۇشەسى بينالي يىلدىرىم، تۇركپا باس حاتشىسى مەحمەت سۇرەيا ەر، تۇركسوي باس حاتشىسى سۇلتان راەۆ، تۇركى اكادەمياسىنىڭ پرەزيدەنتى دارحان قىدىرالى،  قىرعىزستان مادەنيەت، سپورت جانە اقپارات ءمينيسترى ازامات جامانكۋلوۆ،  «ماجار-تۇران» حالىقارالىق قورىنىڭ جەتەكشىسى، قۇرىلتاي ۇيىمداستىرۋشىسى  اندراش بيرو، سونداي-اق زيالى قاۋىم جانە حالىقارالىق ۇيىم وكىلدەرى قاتىستى.

كەلەلى باسقوسۋدا ءسوز العان اكادەميا باسشىسى د. قىدىرالى بيىل جەتىنشى رەت ءوتىپ جاتقان قۇرىلتايدىڭ ماڭىزدىلىعىن اتاپ ءوتتى.

«باۋىرلاس ماجار حالقى عۇندار داۋىرىنەن باستاپ ۇلى دالا الەمىنىڭ بولىنبەيتىن بولىگى رەتىندە ءوزىنىڭ داڭقتى وتكەنىن بۇگىنگى كۇنگە دەيىن ءوز ۇلتىنىڭ تاريحي جادىندا ساقتاپ كەلەدى. مۇنىڭ ايقىن كورىنىسى رەتىندە ماجارستان تۇركولوگيا عىلىمىنىڭ ەۋروپاداعى ەڭ ءىرى ورتالىعى رەتىندە بەلگىلى. دەرد الماشي، ديۋلا نەمەت سياقتى كوپتەگەن ماجار تۇركىتانۋشى عالىمدارىنىڭ ەسىمدەرى ءبىزدىڭ ورتاق تاريحىمىزدا التىن ارىپتەرمەن جازىلعان. سونىمەن قاتار، بيىل تۇركى اكادەمياسى  بەلگىلى تۇركولوگ  ارميني ۆامبەريدىڭ تۋعانىنا 190 جىل تولۋىن اتاپ وتۋدە. ماجار تۇركولوگتارىنىڭ عىلىمي ەڭبەكتەرى ءبىزدىڭ ورتاق مادەني مۇرامىزعا جانە تىلىمىزدە كورىنىس تاپقان مىڭجىلدىق بايلانىسىمىزدى كورۋگە مۇمكىندىك بەردى»، دەدى د. قىدىرالى.

جيىن اياسىندا اكادەميا باسشىسى ماجارستان پارلامەنتىنىڭ ۆيتسە-سپيكەرى شاندور لەجاك جانە «ماجار-تۇران» حالىقارالىق قورىنىڭ جەتەكشىسى ۇيىمداستىرۋشىسى  اندراش بيرو كەزدەسىپ، عىلىمي ىنتىماقتاستى نىعايتۋ جونىندە پىكىر الماستى. سونداي-اق، كەزدەسۋدە د. قىدىرالى قۇرىلتاي دەلەگاتسياسىن ارنايى قابىلداعان ماجار ارىپتەستەرىنە ريزاشىلىعىن ءبىلدىرىپ، ءىلتيپات كورسەتىپ، اكادەميانىڭ باسىپ شىعارعان كىتاپتارىن تارتۋ ەتتى.

قابىلداۋدان كەيىن دەلەگاتتار بۋگاتس قالاسىندا وتەتىن قۇرىلتايعا قاتىسۋ ءۇشىن جولعا شىقتى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار