قانات ءازمۇحانوۆ اتىراۋ قالاسىندا دۇنيەگە كەلگەن, ورتالىق ازيا ۋنيۆەرسيتەتىن «قۇقىقتانۋ» ماماندىعى بويىنشا, ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن «قارجىگەر» ماماندىعى بويىنشا بىتىرگەن, رەسەي فەدەراتسياسىنىڭ استراحان مەملەكەتتىك ۋنيۆەرسيتەتى – قۇقىقتانۋ ماگيسترى, ورتالىق بوگەميالىق قولدانبالى عىلىمدار جانە مەنەدجمەنت ينستيتۋتى – ىسكەرلىك اكىمشىلىك جۇرگىزۋ دوكتورى.
ەڭبەك ءوتىلى:
«جۇزە» جشس زاڭ كەڭەسشىسىنىڭ كومەكشىسى, زاڭگەر;
«كاسپيانپرودجەكتسەرۆيسەز» جشس ديرەكتورىنىڭ ورىنباسارى, ديرەكتورى, «RegionTransCom» جشس باس ديرەكتورى;
اتىراۋ وبلىستىق «Nur Otan» پارتياسى فيليالىنىڭ قوعامدىق-ساياسي جۇمىس ءبولىمىنىڭ كونسۋلتانتى, ۇيىمداستىرۋ-پارتيالىق جۇمىس ءبولىمىنىڭ مەڭگەرۋشىسى (2010 ج. - 2012 ج.);
«KazTransOil-Logistik» جشس ديرەكتورى (06.2012 ج. - 10.2013 ج.);
«Nur Otan» پارتياسىنىڭ قالالىق فيليالى توراعاسىنىڭ ءبىرىنشى ورىنباسارى (10.2013 - 03.2016 ج.);
اتىراۋ قالاسى ءماسليحاتىنىڭ حاتشىسى (04.2016 ج. - 10.2018 ج.);
«Region Trans Com» جشس كادرلار جونىندەگى ديرەكتورى (10.2018 ج. - 2020 ج.);
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ الەۋمەتتىك ارىپتەستىك دەپارتامەنتىنىڭ ديرەكتورى (2020 ج. - 08.2020 ج.).
بۇگىنگە دەيىن اتىراۋ وبلىسى ىشكى ساياسات باسقارماسىنىڭ باسشىسى بولىپ كەلگەن.
دەپۋتاتتار وبلىس اكىمى ۇسىنعان كانديداتۋرانى قولدادى.
ايماق باسشىسى سەرىك شاپكەنوۆ قانات ازمۇحانوۆقا اۋداننىڭ الەۋمەتتىك-ەكونوميكالىق دامۋىنا قاتىستى بىرقاتار ناقتى تاپسىرما بەردى.
