تەننيس • 12 تامىز، 2022

يۋليا پۋتينتسەۆا تورونتو ءتۋرنيرىنىڭ شيرەك فينالىنا شىقتى

31 رەت كورسەتىلدى

قازاقستاندىق تەننيسشى، الەمنىڭ 46-راكەتكاسى يۋليا پۋتينتسەۆا تورونتو WTA-1000 ءتۋرنيرىنىڭ شيرەك فينالىنا شىقتى، دەپ حابارلايدى Egemen.kz.

يۋليا پۋتينتسەۆا ءۇشىنشى اينالىمدا الەمنىڭ 35-راكەتكاسى، امەريكالىق ەليسون ريسكەمەن الاڭعا شىقتى.

ءبىرىنشى پارتيادا يۋليا پۋتينتسەۆا 6:3 ەسەبىمەن قارسىلاسىنان وزدى. ەكىنشى سەت بارىسىندا 2:5 ەسەبىمەن ۇتىلىپ جاتىپ، قاتارىنان بەس گەيمدى ءوز ەسەبىنە جازىپ،  7:5 ەسەبىمەن جەڭىسكە جەتتى.

1 ساعات 37 مينۋتقا سوزىلعان ماتچتا پۋتينتسەۆا ەيس جاساپ ۇلگەرمەسە دە، 8 برەيك-پوينتتىڭ التاۋىن پايدالاندى. قارسىلاسى 2 ەيس، 4 برەيكپەن (10 برەيك-پوينت) كوزگە ءتۇستى.

قازاقستاندىق تەننيسشى جارتىلاي فينالعا شىعۋ ءۇشىن الەمنىڭ 7-راكەتكاسى، تاعى ءبىر امەريكالىق دجەسسيكا پەگۋلامەن تالاسادى. ول ءۇشىنشى اينالىمدا جارىستىڭ وتكەن جىلعى چەمپيونى، الەمنىڭ 29-راكەتكاسى، يتاليالىق كاميلا ءدجوردجيدى 3:6، 6:0، 7:5 ەسەبىمەن جەڭگەن ەدى.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار