قوعام • 11 تامىز، 2022

وڭالتۋ قۇرالدارىن پورتال ارقىلى الدىرۋعا بولادى

29 رەت كورسەتىلدى

جىل باسىنان باستاپ الەۋمەتتىك قىزمەتتەر پورتالى ارقىلى شامامەن 204،8 مىڭ مۇگەدەكتىگى بار ادام وڭالتۋدىڭ تەحنيكالىق قۇرالدارىن، بۇعان قوسا 6،6 مىڭ ادام ىمداۋ ءتىلى قىزمەتىن، 25،8 مىڭ ادام جەكە كومەكشىنىڭ قىزمەتىن الدى. سونداي-اق پورتال كومەگىمەن كەپىلدىك بەرىلگەن الەۋمەتتىك توپتامالارعا 59 مىڭ تاپسىرىس راسىمدەلدى.

ەڭبەك جانە حالىقتى الەۋ­مەت­تىك قورعاۋ مينيسترلىگىنىڭ مالى­مەتى بويىنشا الەۋمەتتىك قىز­مەتتەر پورتالى مۇگەدەكتىگى بار ادامدار­عا وڭالتۋدىڭ تەح­ني­كالىق قۇرال­دارى (وتق) مەن قىز­مەتتەرىن ءوندىرۋشى­نى جانە جەت­كىزۋشىنى ءوز بەتىنشە تاڭ­داۋعا مۇمكىندىك بەرەدى. كومەك تۇرىنە تاپ­سىرىس بەرۋ قىزمەتتى الۋشىنىڭ ەلەكتروندى تسيفر­لىق قولتاڭباسىمەن راستاۋ ار­قى­لى جۇزەگە اسىرىلادى. تاپ­سىرىس بە­رىلگەن قۇرالداردى ءوز بەتىنشە اكە­تە الادى نەمەسە جە­ت­­كىزۋ قىز­مەتى ار­قى­لى الۋعا بولادى.

مۇگەدەكتىگى بار ادامدار­دى وڭال­تۋ قۇرالدارىمەن قام­تا­ما­سىز ەتۋ پرو­تەزدىك-ورتوپە­ديالىق، سۋردو­تەح­ني­كالىق، تيف­لو­تەحنيكالىق جانە گيگيە­نالىق قۇرالدار، سونداي-اق كرەسلو-اربالار بەرۋدى قامتيدى.

بۇگىنگى تاڭدا پورتالدا ارناۋلى الەۋمەتتىك قىزمەتتەر كور­سەتەتىن 824 مەديتسينالىق-الەۋ­مەت­تىك مەكەمە (بولىمشەلەر)، 246 وتق جەت­كىزۋشى، 25 مىڭ­نان اسا جەكە كو­مەكشى، 635 ىم­­داۋ ءتى­لىن قىز­­­مەتىن، 90 سانا­تورلىق-كۋ­­رورت­­­تىق ەمدەۋدى، 65 كەپىلدىك بە­رىل­­گەن الەۋمەتتىك توپ­­تا­مانى جەتكى­زۋشىلەر تىركەلگەن.

«الەۋمەتتىك قىزمەتتەر پورتالى» اۆتوماتتاندىرىلعان اق­پاراتتىق جۇيەسىن ەنگىزۋ مۇگە­دەكتىگى بار ادام­داردىڭ قۇقىق­تارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىن­دەگى ۇلتتىق جوسپار شەڭبەرىندە قا­راستىرىلعان.

قولداۋعا ارنالعان بايلانىس ورتا­­لىعىنا 1414 بىرىڭعاي نومىرىنە قوڭىراۋ شالىپ، ءتىلدى تاڭداۋ جانە 5 سانىن باسۋ ارقىلى پورتالدى پايدالانۋ بويىنشا كەڭەس الۋعا بولادى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار