قوعام • 11 تامىز، 2022

قازاقتىڭ بايلىعى مىڭعىرعان مال ەدى

269 رەت كورسەتىلدى

حح عاسىردىڭ سوڭىنا قاراي كەڭەس وداعى ىدىراپ، ءار رەسپۋبليكا ءوزىنىڭ ەگەمەندىگىنە يە بولعاننان كەيىن، اۋىل شارۋاشىلىعى، ونىڭ ىشىندە مال شارۋاشىلىعى سالاسى دۇرىس جۇرگىزىلمەگەن ەكونوميكالىق ساياساتتىڭ سالدارىنان مۇلدەم قوجىراپ كەتتى.

اۋىلدى كوتەرەمىز دەپ بولىنگەن ميللياردتار جەلگە ۇشتى. اۋىلداردا جۇمىسسىزدىق بەلەڭ الدى. ەكى قولىنا ءبىر كۇرەك تابا الماعان ازاماتتار، اسىرەسە جاستار جاعى جاپپاي قالالارعا اعىلدى. بۇل ءوز كەزەگىندە ادامداردىڭ الەۋمەتتىك جاعدايىن ودان ءارى قيىنداتىپ جىبەردى.

قازىرگى كەزدە كەڭ بايتاق جەرىمىز مال باسىمەن تولىق قامتىلماي وتىرعان مەملەكەتتىڭ ءبىرىمىز. مال شارۋاشىلىعى ونىمدەرىن يمپورتقا شىعارۋ بىلاي تۇرسىن، ءوز حالقىمىزدى جەتكىلىكتى تۇردە قامتاماسىز ەتە الماي وتىرمىز. ەسەسىنە شەتەلدەردەن قىمبات يمپورت ونىمدەرى: جۇمىرتقا، وڭدەلگەن ءسۇت پەن ەت ونىمدەرى قاپتاپ كەلىپ جاتىر. اۋىلدا وندىرىلەتىن تابيعي مال ونىمدەرى كوزدەن بۇلبۇل ۇشتى. اۋىل كورمەگەن قالا بالاسى سالانى باسقارعاننان كەيىن ءىستىڭ العا باسپايتىنى ايتپاسا دا تۇسىنىكتى.

ەندى مۇنداي تىعىرىقتان شىعۋ ءۇشىن مەملەكەت نە ىستەۋى كەرەك؟ شەشىلمەيتىن ماسەلە جوق. ول ءۇشىن، بىرىنشىدەن، ۇكىمەت اۋىل شارۋاشىلىعىنا جىلدىق قارجىنى جەتكىلىكتى دەڭگەيدە ءبولۋى قاجەت. بولىنگەن قارجى جەمقورلاردىڭ جەمساۋىنا ءتۇسىپ كەتپەي، سالا-سالا بويىنشا دۇرىس ءارى ءتيىمدى جۇمسالۋعا ءتيىس. ەكىنشىدەن، ەلىمىزدە مال باسىن كوبەيتۋ ىسىنە جاعداي تۋعىزۋى كەرەك. ۇشىنشىدەن، مالدى اسىلداندىرۋ جۇمىستارى (ىرىكتەۋ، جۇپتاۋ، باعالاۋ، بونيتيروۆكالاۋ جانە ت.ب.) دۇرىس جۇرگىزىلۋى شارت. تورتىنشىدەن، اۋىل شارۋاشىلىعىنا پايدالانىلاتىن بارلىق تەحنيكا ەكونوميكالىق جاعىنان ءتيىمدى ءارى زاماناۋي تالاپتارعا ساي بولۋى كەرەك. بەسىنشىدەن، ءبىلىمدى ءارى بىلىكتى مامان دايىنداۋعا ەرەكشە كوڭىل ءبولۋىمىز قاجەت. مىنە، وسىنداي تالاپتار دۇرىس ورىندالعان جاعدايدا ءبارى دە ورىن-ورنىنا كەلەتىنىنە كامىل سەنەمىز.

 

سەرعالى مىرزاقۇلوۆ،

اۋىل شارۋاشىلىعى عىلىمدارىنىڭ كانديداتى،

دوتسەنت، قاۋىمداستىرىلعان پروفەسسور

 

الماتى

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار