سونىڭ وزىندە 2022 جىلدىڭ 1 تامىزىنداعى جاعداي بويىنشا بجزق زەينەتاقى جيناقتارىن تۇرعىن ۇيگە جانە ەمدەلۋگە پايدالانۋعا بايلانىستى 1,7 ملن-نان استام ءوتىنىشتى ورىندالعان.
«2021 جىلدىڭ قاڭتارىنان بەرى بجزق سالىمشىلاردىڭ (الۋشىلاردىڭ) تۇرعىن ءۇي جاعدايىن جاقسارتۋ ءۇشىن جيناقتالعان زەينەتاقى قاراجاتىن پايدالانۋ تۋرالى 1 328 015 ءوتىنىشىن ورىندادى. ۋاكىلەتتى وپەراتور-بانكتەردە اشىلعان قازاقستاندىقتاردىڭ ارنايى شوتتارىنا بجزق 3,1 ترلن تەڭگەدەن استام قارجى اۋداردى. بىرجولعى زەينەتاقى تولەمدەرىنىڭ ورتاشا سوماسى – 2,4 ملن تەڭگە. ورىندالعان وتىنىشتەردىڭ ەڭ كوبى الماتى قالاسىنىڭ (17,60%), نۇر-سۇلتان قالاسىنىڭ (14,03%), ماڭعىستاۋ وبلىسىنىڭ (10,35%) تۇرعىندارى تاراپىنان جولدانعان», دەلىنگەن بجزق حابارلاماسىندا.
قازىرگى ۋاقىتتا «وتباسى بانكى» تۇرعىن ءۇي قۇرىلىس جيناق بانكى» اق, «قازاقستان حالىق بانكى» اق, «Altyn Bank» اق, «بانك تسەنتركرەديت» اق جانە «بانك فريدوم فينانس كازاحستان» اق زەينەتاقى جيناقتارىنىڭ ءبىر بولىگىن پايدالانۋعا وتىنىشتەردى قابىلدايتىن ۋاكىلەتتى وپەراتورلار بولىپ سانالادى.
بىرجولعى زەينەتاقى تولەمى ۋاكىلەتتى وپەراتوردا («وتباسى بانك») اشىلعان ارنايى شوتقا تۇسكەننەن كەيىن الۋشى ۋاكىلەتتى وپەراتورعا بىرجولعى زەينەتاقى تولەمدەرىنىڭ نىسانالى ماقساتىن راستايتىن قۇجاتتاردى ولار كەلىپ تۇسكەن كۇننەن باستاپ 20 جۇمىس كۇنى ىشىندە ۇسىنادى. بۇعان تۇرعىن ءۇي ساتىپ الۋ نەمەسە جەكە تۇرعىن ءۇي سالۋ ماقساتىندا ودان ءارى جيناقتاۋ ءۇشىن تۇرعىن ءۇي قۇرىلىسىنا سالىمدى تولىقتىرۋ جاتپايدى. بۇل جاعدايدا الۋشى «وتباسى بانكىنە» بىرجولعى زەينەتاقى تولەمدەرىنىڭ نىسانالى ماقساتىن راستايتىن قۇجاتتاردى ولار كەلىپ تۇسكەن كۇننەن باستاپ 3 جىل ىشىندە بەرەدى.
باسقا ۋاكىلەتتى وپەراتورلار (ەكىنشى دەڭگەيدەگى بانكتەر) بويىنشا بىرجولعى زەينەتاقى تولەمىنە ارنالعان وتىنىشتەر جانە الۋشىنىڭ ماقساتتارى بويىنشا قۇجاتتار بانكتىڭ ىشكى قۇجاتتارىندا بەلگىلەنگەن تارتىپپەن مەرزىمگە ساي قارالادى. بۇل رەتتە, بانك بىرجولعى زەينەتاقى تولەمدەرىنىڭ سومالارىن ءوتىنىش بەرۋشىنىڭ (الۋشىنىڭ) ارنايى شوتتارىنا ەسەپتەلگەن كۇننەن باستاپ 10 جۇمىس كۇنى ىشىندە ولاردىڭ نىسانالى ماقساتى بويىنشا بىرجولعى زەينەتاقى تولەمدەرىن اۋدارادى. ۋاكىلەتتى وپەراتورعا راستاۋشى قۇجاتتار بەلگىلەنگەن مەرزىمدە بەرىلمەگەن جاعدايدا, بۇل قاراجات بجزق-عا قايتارىلادى.
قازىرگە دەيىن ۋاكىلەتتى وپەراتورلاردان سالىمشىلاردىڭ (الۋشىلاردىڭ) جەكە زەينەتاقى شوتتارىنا (جزش) شامامەن 450,6 ملرد تەڭگە قاراجات قايتارىلعان.
سونىمەن قاتار بجزق ەمدەلۋگە بەرىلگەن 302,5 ملرد تەڭگەگە 388 824 ءوتىنىشتى ورىنداپتى. بۇل رەتتە الۋعا بولاتىن ورتاشا سوما شامامەن 0,8 ملن تەڭگە. سونىمەن قاتار سالىمشىلاردىڭ (الۋشىلاردىڭ) بجزق-داعى جزش-نا ۋاكىلەتتى وپەراتوردان («وتباسى بانكى» تۇرعىن ءۇي قۇرىلىس جيناق بانكى» اق) 31,3 ملرد تەڭگە قايتارىلدى. بۇل قاراجات ءوتىنىش بەرۋشىنىڭ قالاۋى نەمەسە وزگە دە سەبەپتەر بويىنشا بەلگىلەنگەن مەرزىمدە پايدالانىلماعان.
ال ينۆەستيتسيالىق پورتفەلدى باسقارۋشىلارعا (يپب) 8,7 ملرد تەڭگە اۋدارىلىپ, بجزق 5 877 ءوتىنىشتى ورىندادى. اۋدارىمنىڭ ورتاشا سوماسى – 1,5 ملن تەڭگە. بجزق-نىڭ زەينەتاقى اكتيۆتەرىن سەنىمگەرلىكپەن باسقارۋعا قاتىستى ءتورت يپب-مەن شارت جاساسقانى بەلگىلى. زەينەتاقىمەن قامسىزداندىرۋ تۋرالى زاڭعا سايكەس, يپب ينۆەستيتسيالىق باسقارۋدى جۇزەگە اسىرعانى ءۇشىن كوميسسيالىق سىياقى الۋعا قۇقىلى. يپب سىياقىسىنىڭ شەكتى شاماسى الىنعان ينۆەستيتسيالىق تابىستىڭ 7,5%-ىنان اسپاۋى ءتيىس. كوميسسيالىق سىياقىنىڭ ناقتى شاماسىن جىل سايىن يپب-نىڭ باسقارۋشى ورگانى بەكىتەدى جانە ول جىلىنا ءبىر رەت قانا وزگەرۋى مۇمكىن.
