قوعام • 10 تامىز، 2022

ەڭبەگى ەرەن، ءبىلىمى تەرەڭ

31 رەت كورسەتىلدى

قايروللا ابىلاەۆ ىرگەتاسىن 1882 جىلى اسا كورنەكتى اعارتۋشى، جاڭاشىل پەداگوگ ىبىراي التىنسارين قالاعان ءبىلىم ورداسىن التىن مەدالمەن ءبىتىردى.

ءوزىنىڭ بىلىمىنە سەنىمدى ول ارمان قۋىپ لەنينگراد (قازىرگى سانكت-پەتەربۋرگ) قالاسىنان ءبىر-اق شىقتى. تالاپكەر جاس ماماندىق تاڭداۋدا قاتەلەسكەن جوق. قۇجاتىن م.ي.كالينين اتىنداعى بۇكىلوداقتىق پوليتەحنيكالىق ينستيتۋتتىڭ ەنەرگيالىق ماشينا فاكۋلتەتىنە تاپسىردى. وقۋعا ءتۇسۋ مەدال يەگەرىنە كوپ قيىندىق تۋعىزبادى. ديپلوم قورعاعان كەزدە وقۋ ورنىنا ارنايى كەلىپ، قازاق كسر عىلىم اكادەمياسىنا قىزمەتكە شاقىرعان وكىلگە كەلىسىمىن بەرمەدى. «مەنىڭ جۇمىس ورنىم – ءوندىرىس، تەك قانا – ءوندىرىس» دەپ جاۋاپ بەردى جاس ينجەنەر.

ءوزى ايتقانداي، قايروللا شالعىنباي ۇلىنىڭ ەڭبەك جولىنىڭ بارلىعى دەرلىك تىكەلەي وندىرىسپەن بايلانىستى بولدى. ول 1961 جىلى وقۋ ورنىنىڭ جولداماسىمەن جاس ينجەنەر مامانعا ءزارۋ قاراعاندى قالاسىنداعى موتور جوندەۋ زاۋىتىنا جىبەرىلدى. اتالعان كاسىپورىندا ءتورت جىل شەبەر، باس مەحانيك بولىپ جۇمىس ىستەپ، تاجىريبە جيناقتادى. 1965 جىلى ەڭبەك داستۇرىنە باي، ءوڭىر ءوندىرىسىنىڭ تۋۇستارىنا اينالعان ارال كەمە جوندەۋ زاۋىتىنا اۋىسىپ، شەبەر، تسەح باستىعى، قۇرىلىسشى پروراب، ينجەنەر سياقتى جاۋاپتى جۇمىستاردىڭ بارلىق ساتىسىنان ءوتتى. 1972 جىلدان باستاپ، ءوندىرىس تەحنولوگياسىن جەتىك مەڭگەرگەن ق.ابىلاەۆ 1996 جىلى زەينەت دەمالىسىنا شىققانعا دەيىن ءارتۇرلى باعىتتا ءونىم شىعاراتىن وسى زاۋىتتىڭ جەتى جىل باس ينجەنەرى، 18 جىل باسشىسى بولىپ ابىرويلى قىزمەت اتقاردى.

قايروللا شالعىنباي ۇلى باسشىلىق جاساعان زاۋىت ۇجىمى ءۇشىن بۇل جىلدار ءوندىرىستىڭ ناعىز ورلەۋ، وركەندەۋ جىلدارى بولدى. جالپى ءونىم كولەمى 23 ەسەگە ءوستى. ۇجىم مۇشەلەرىنىڭ ۇزىن سانى 1 298 ادامعا جەتتى. وسىنداي تابىستارعا قول جەتكىزگەن التىن قولدى كەمەشىلەردىڭ الەۋمەتتىك جاعدايلارىن شەشۋ ماسەلەلەرى دە كاسىپورىن باسشىلىعىنىڭ نازارىنان تىس قالمادى. ءوز باسى قاراماعىنداعىلارعا قىلداي دا قيانات جاسامادى. قوعام مۇددەسىن جەكە باسىنىڭ مۇددەسىنەن جوعارى قويدى.

بۇگىندە 85 جاسقا تولىپ وتىرعان قادىرمەندى قارياعا ادەمى قارتتىق بۇيىرسىن دەي وتىرىپ، ۇزاق عۇمىر تىلەيمىز.

 

انەس اۋەزوۆ،

قازاق كسر حالىق اعارتۋ ءىسىنىڭ ۇزدىگى

 

قىزىلوردا وبلىسى

سوڭعى جاڭالىقتار

ەلوردادا Astana Marathon-2022 وتەدى

ەلوردا • بۇگىن، 12:16

سوماليدە جارىلىس بولدى

الەم • بۇگىن، 10:25

بۇگىنگى ۆاليۋتا باعامى

قارجى • بۇگىن، 10:13

ەكىنشى ورىنعا تابان تىرەدى

سپورت • بۇگىن، 07:32

وۆەرتايمدا جەڭدى

حوككەي • بۇگىن، 07:30

وزبەكستاننان باسىم ءتۇستى

سپورت • بۇگىن، 07:28

شەراعاڭ – ساحنا تورىندە

تەاتر • بۇگىن، 07:27

كوڭىل ارباعان كەڭىستىك

ادەبيەت • بۇگىن، 07:23

ۇستازدار ۇلىقتالعان كۇن

ءبىلىم • بۇگىن، 07:20

جاستار – تابيعات قامقورشىسى

ەكولوگيا • بۇگىن، 07:17

ۇقساس جاڭالىقتار