ونەر • 10 تامىز، 2022

تسيرك

29 رەت كورسەتىلدى

كەنەپ بويالماسا دا ونىڭ ايتار ويىن ۇعۋعا بولادى. كەيدە مىڭداعان ءتۇستى ءبىر كارتيناعا جيناساڭىز دا، ءسىزدىڭ جۇرەگىڭىزدى سەلت ەتكىزبەۋى مۇمكىن. مۇنى فرانتسۋز يمپرەسسيونيست سۋرەتشىسى جورج-پەر سەرا جاقسى ءتۇيسىندى. سودان دا بولار «تسيركتى» اياقتاي المادى. سوڭعى بولىگىن جازۋعا وقتالعاندا، شەبەرحانا ەسىگىن اجال كەلىپ قاعادى.

بىراق «تسيرك» اياقتالدى. نەو-يمپرەسسيونيست سۋرەتشى ماكسيميليان ليۋس كارتينانىڭ نۇكتەسىن قويدى. جورج-پەر سەرا پاريجدەگى كورمەسىنىڭ باستالعانىنا 1 اپتا ۋاقىت وتپەي جاتىپ، سۋرەتكەردىڭ كەنەتتەن كوز جۇمعانى تۋرالى حابار جەتەدى. سەرانىڭ ءولىمىنىڭ ناقتى سەبەبى ءالى انىقتالعان جوق. دا­رى­گەرلەر قويعان دياگنوز بويىنشا ديفتەريا، ينفەكتسيالىق ەندوكارديت، پنەۆمونيا، مەنينگيت سىندى ءتۇرلى اۋرۋدىڭ اسەرىنەن قايتىس بولۋى مۇمكىن.

جالپى، سەرا – نەو-يم­پرەسسيونيزمنىڭ نەگىزىن سالۋ­شى، ديۆيزيونيزم نەمەسە پۋان­تيليزم دەپ اتالاتىن كەس­­كىندەمەنىڭ وزىندىك ءادىسىن جاساعان. سونىسىمەن دە وقىر­ماننىڭ ەسىندە قالدى. اتال­عان شىعارما فرانتسۋز حال­قىنىڭ كانكان ءبيىن كوز الدى­ڭىزعا اكەلەدى. العاشىندا فران­تسۋزدار ءبيدى باعالاماعان، ويتكەنى ول وتە ادەپسىز ونەردىڭ جەمىسى دەپ سانالدى. الايدا كوپ ۇزاماي بيلىك تاراپىنان ارنايى قۇرىلعان كوميسسيا پاريج قالاسىنىڭ بيۋدجەتىنە كىرىس اكە­لە باستاعان ءبيدى ورىنداۋعا رۇق­سات بەرەدى. وسىلايشا، بۇل بي تسيرك­تە دە ورىندالاتىن بولدى.

بۇكىل كومپوزيتسيا ماتە­ما­تي­كالىق تۇرعىدان وتە ءدال سى­­زىل­عان. سۋرەتتەگى ءاربىر نۇكتە­نىڭ وزىن­دىك ورنى بار. بارلىق كە­يىپ­كەر قاتاڭ بەلگىلەنگەن كوك تورعا سايكەس ورنالاستىرىلعان. تسيرك اتموسفەراسىن جەتكىزۋ ءۇشىن اۆتور كۇن سايىن وسىندا كەلىپ، ءارتۇرلى ەسكيز سىزدى. شەبەرگە شاباندوزدار، سايقىمازاق قال­پاق­شالار قىزىق كورىندى. ولاردان ءمان ىزدەدى.

الدىڭعى پلاندا كورىپ وتىر­عان سايقىمازاق كانكان بيلەۋدە. ءبىر قاراعاندا، كلوۋن­دى تسيرك قويىلىمىنىڭ ۇيىم­داستىرۋشىسى دەپ ويلايسىز، ەكىنشىدەن ونى قاراپايىم كو­رەر­مەن رەتىندە قابىلداۋعا بولادى. ات ۇستىندە اكروباتيكا­لىق تريۋكتاردى ورىنداپ جاتقان گيمناست ادامعا شاتتىق ­سەزى­مىن سىيلايدى.

ءبىر قاراسىڭىز كارتينا قوزعالىستا جۇرگەن سەكىلدى، دەسە دە، اۆتور ءبىر ساتتىك كورىنىستى قاعازعا قوندىرعان. كورەرمەن رەتىندە باسقا كەيىپكەرلەردى تاني الاسىز. كەنەپتىڭ وزىنە ءتان ەرەكشەلىگى – كوك، سارى جانە قىزىل تۇستەرمەن عانا شەكتەلۋى. بۇل – قىلقالام شەبەرىنىڭ قولتاڭباسى.

 

جەتىسۋ وبلىسى

سوڭعى جاڭالىقتار

ەلوردادا Astana Marathon-2022 وتەدى

ەلوردا • بۇگىن، 12:16

سوماليدە جارىلىس بولدى

الەم • بۇگىن، 10:25

بۇگىنگى ۆاليۋتا باعامى

قارجى • بۇگىن، 10:13

ەكىنشى ورىنعا تابان تىرەدى

سپورت • بۇگىن، 07:32

وۆەرتايمدا جەڭدى

حوككەي • بۇگىن، 07:30

وزبەكستاننان باسىم ءتۇستى

سپورت • بۇگىن، 07:28

شەراعاڭ – ساحنا تورىندە

تەاتر • بۇگىن، 07:27

كوڭىل ارباعان كەڭىستىك

ادەبيەت • بۇگىن، 07:23

ۇستازدار ۇلىقتالعان كۇن

ءبىلىم • بۇگىن، 07:20

جاستار – تابيعات قامقورشىسى

ەكولوگيا • بۇگىن، 07:17

ۇقساس جاڭالىقتار