بىرلەسكەن جوبانىڭ باستى يدەياسى – باقىلاۋ-كاسسا ماشينالارىن پايدالانۋشىلارىنا سالىق مىندەتتەمەلەرىن ۋاقتىلى ورىنداۋ تۋرالى, ونىڭ ىشىندە سالىق ورگانىنا سالىق ەسەپتىلىگىن تولتىرىپ, ۇسىنۋ بويىنشا تەز جانە قولجەتىمدى تۇردە ەسكە سالۋ.
باستاپقىدا push-سالىق حابارلامالارى باقىلاۋ-كاسسا ماشينالارىن پايدالانۋشىلارىنا مەرزىمدەرى باستالعانعا دەيىن جانە سالىق ەسەپتىلىگىن ۇسىنۋ كەزەڭىندە جىبەرىلەدى.
سەرۆيس سالىق ەسەپتىلىگىن بەلگىلەنگەن مەرزىمدە ۇسىنۋ قاجەتتىگى تۋرالى سالىق تولەۋشىلەردى حاباردار ەتىپ وتىرادى, ياعني ەسكە سالادى. ناتيجەسىندە, سالىق تولەۋشى مىندەتتەمەلەرىن ۋاقتىلى ورىنداپ, سالىق ورگاندارى شوتتاردى بۇعاتتاۋ مەن ايىپپۇل سالۋ سياقتى شارالاردى قولدانباۋىنا سەپتىگىن تيگىزەدى دەپ كۇتىلۋدە.
«بۇگىننەن باستاپ سالىق تولەۋشىلەر باقىلاۋ-كاسسا ماشينالارى ارقىلى ايلىق, 2-توقسان مەن 1-جارتىجىلدىق ءۇشىن سالىق ەسەپتىلىگىن, ونىڭ ىشىندە 910.00-نىسانى بويىنشا دەكلاراتسياسىن, 2022 جىلعى 15 تامىزدان كەشىكتىرمەي ۇسىنۋ قاجەتتىلىگى تۋرالى ەسكە سالاتىن push-سالىق حابارلامالارىن الا باستايدى», دەپ حابارلادى كوميتەت وكىلدەرى.
