مەديتسينا • 09 تامىز، 2022

اۋرۋحانانىڭ جاڭا كورپۋسى اشىلادى

1290 رەت كورسەتىلدى

بارلىق قۇرىلىس جۇمىستارى مەن مەديتسينالىق جاب­دىقتاردى ورناتۋ جۇمىستارى اياقتالدى. قازىرگى ۋاقىتتا دياگنوستيكالىق كەشەندەردى رەتتەۋ جانە كاليبرلەۋ جۇ­مىستارى جۇرگىزىلىپ جاتىر. پرەزيدەنتتىڭ ءىس باسقارماسى مەديتسينالىق ورتالىعىنىڭ 200 ورىنعا شاقتالعان جاڭا ەمدەۋ كورپۋسىن تامىزدىڭ سوڭىنا دەيىن پايدالانۋعا بەرۋ جوسپارلانعان.

مەديتسينالىق ورتالىق اۋرۋ­­حاناسىنىڭ جاڭا بلوگى ەڭ جو­­عارى حالىقارالىق ستان­دارت­تارعا سايكەس سالىنعان، سون­داي-اق پۋلمونولوگيا جانە نەف­ر­و­لوگيا، گاستروەنتەرولوگيا جانە ەندوكرينولوگيا، نەۆرولوگيا، رەۆماتولوگيا جانە كارديولوگيا باعىتتارى بويىنشا تەراپەۆتىك قىزمەت كورسەتۋگە مامانداندىرىلعان. سونىمەن قاتار مۇندا كۇندىزگى ستاتسيونار، ينتەنسيۆتى تەراپيا بلوگى، ينسۋلت، ميوكارد ينفاركتىسى، كارديوحيرۋرگيا، نەيروحيرۋرگيا جانە ورتوپەديالىق وپەراتسيالاردان كەيىنگى ناۋقاستاردى وڭالتۋ بلوگى ورنالاسادى.

«وسىلايشا، موا بازاسىندا 200 تەراپەۆتىك جانە 200 حيرۋرگيالىق ورىنمەن قام­تىلعان كوپبەيىندى ستاتسيونار جاساقتالىپ جاتىر. بۇل ناۋقاس­تاردى قابىلداۋ مەن مەدي­تسي­نا­لىق كومەك كور­سەتۋدى ەكى ەسە ارت­تىرۋعا مۇم­كىندىك بەرەدى. جاڭا عيمارات پايدالانۋعا بە­رىلسە، ءبىز جىلىنا 16 مىڭ ادام­عا دەيىن قىزمەت كورسەتىپ، پاتسيەنتتەردىڭ مۇقتاجدىعىن قاناعاتتاندىرا الامىز»، دەيدى مەديتسينا ورتالىعى اۋرۋحاناسى ديرەكتورىنىڭ ەمدەۋ ءىسى جونىندەگى ورىنباسارى راۋشان قاراباەۆا.

جاڭا كورپۋستىڭ دياگنوس­تي­كا­لىق بازاسى جوعارى ساناتتى ەكسكليۋزيۆتى تەحنولوگيالاردان تۇرادى. مۇنداي زاماناۋي وزىق قوندىرعىلاردىڭ قازاقستاندا، كەيبىرىنىڭ تمد-دا بالاماسى جوق.

«ماسەلەن، مينۋتىنا 640 كەسىندى جاسايتىن جانە ءتىننىڭ ءاربىر ميلليمەترىنە دەيىن زەرتتەۋگە مۇمكىندىك بەرە وتىرىپ، دالمە-ءدال ناتيجە كورسەتەتىن كومپيۋتەرلىك توموگراف ورناتىلدى. بۇل قۇرالدىڭ ازىرگە قازاقستاندا بالاماسى جوق. ال بۇرىنعى قولدانىستاعى توموگراف ءارى كەتسە مينۋتىنا 256 كەسكىن جاسايتىن. توموسينتەز فۋنكتسياسى بار مامموگراف بولسا، ءسۇت بەزىنىڭ قاتەرسىز ىسىگىن قا­تەرلى ىسىكتەن اجىراتۋعا مۇم­كىن­دىك بەرەدى. تاعى ءبىر ەرەكشە زەرتتەۋ – قاراۋىلداۋشى ليمفا تۇيىندەرىن راديواكتيۆتى تۇردە انىقتاۋ ءادىسى. بۇل قاتەرلى ىسىككە شالدىققان ايەلدەرگە جاسالاتىن وپەراتسيانىڭ جەڭىل وتۋىنە كومەكتەسەدى. بۇدان وزگە دە وز­گە­شە اپپاراتتار بارشىلىق. ۇس­تا­مالارى بار ناۋقاستاردى كۇندەلىكتى نەيروفيزيولوگيالىق زەرتتەۋ – ەپيلەپسيانىڭ سەبەبىن دياگنوستيكالايدى جانە ۇستاما اۋرۋىنىڭ دەندەۋىنە تۇرتكى بولاتىن مي قىرتىستارىن انىق­تايدى. مۇنىڭ بارلىعى ءبىزدىڭ اۋرۋحانانىڭ دياگنوس­تيكا­لىق مۇمكىندىكتەرىن ايتار­لىق­تاي كەڭەيتىپ، ەڭ قيىن اۋرۋلاردى انىقتاۋعا مۇمكىندىك بەرەدى»، دەدى راۋشان قاراباەۆا.

ءپىب مەديتسينالىق ورتالىعى اۋرۋحاناسىنىڭ جاڭا بلوگى بى­­لىكتى دارىگەرلەرمەن 100% قام­­­تاماسىز ەتىلگەن. دياگنوس­تي­­­كالىق جابدىقتاردى پايدالاناتىن ماماندار الدىن الا تاڭدالىپ، الىس-جاقىن شەتەل­دەر­دىڭ ۇزدىك ەمحانالارىندا تاجىريبەدەن ءوتتى.

سوڭعى جاڭالىقتار

جاپونيادا جەر سىلكىندى

الەم • بۇگىن، 10:22

ۇقساس جاڭالىقتار