قارجى • 09 تامىز، 2022

نەسيە شارتىن وزگەرتۋ ءۇشىن نە ىستەۋ كەرەك؟

1312 رەت كورسەتىلدى

جىلدىڭ العاشقى جارتىسىندا ەل ازاماتتارىنان قارجى ۇيىمدارىنا قاتىستى 16 مىڭ ارىز-شاعىم تۇسكەن. ارنايى تالداۋ مەن مونيتورينگ كورسەتكەندەي، كەلىپ تۇسكەن شاعىمنىڭ 70 پايىزدان استامى بانك سەكتورىنا باعىتتالعان.

قارجى نارىعىن رەتتەۋ جانە دامىتۋ اگەنتتىگىنىڭ حابارلاۋىنشا، بانك سەكتورىنا بايلانىستى شاعىمدار سانى 11 مىڭنان اسادى جانە بۇل 2021 جىلدىڭ ءبىرىنشى جارتىسىمەن سالىستىرعاندا 1،7 ەسە كوپ.

«2021 جىلى بانك سەك­تورى بويىنشا 33 مىڭ­نان استام ارىز ءتۇستى. قا­رىز الۋشىلاردىڭ كو­بى نە­گىزىنەن ءوز زايمدارىن قاي­تا قۇ­رىلىمداۋ نەمەسە قايتا قار­­جىلاندىرۋ بويىنشا حابار­لاسادى. سونداي-اق قار­جى سەكتورى بويىنشا نور­ماتيۆتىك قۇ­قىقتىق اك­تىلەردى تۇسىندىرۋگە قا­تىس­­تى دا سۇراق قوياتىندار بار­­شىلىق. بۇل تسيفرلارعا قا­راپ ەل تۇرعىندارىنىڭ ءبا­رىنىڭ بىردەي وزدەرىنىڭ قار­جىلىق مۇمكىندىگى مەن تاۋە­كەلىن باعالاي الماعانىن بايقايمىز. كرەديت قانشا جەردەن قولايلى قارجى قۇ­رالى بولسا دا، ونى دۇرىس پايدالانۋدى جانە زايم الۋ كەزىندە مۇقيات ءمان بەرۋدى قالىپتاستىرۋ كەرەك. نەسيە الماس بۇرىن ءوز كىرىسىڭىزدى، تاۋەكەلىڭىزدى باعالاعان ءجون. ال نەسيە كەلىسىمشارتىن وقۋ كە­زىندە ونىڭ ءاربىر تارماعى مەن بو­لىمىنە ءمان بەرىپ، قاجەت بولعان جاعدايدا قوسىمشا كەڭەس الۋ قاجەت. ويتكەنى نە­سيەنىڭ كەز كەلگەن ءتۇرى – ۇلكەن جاۋاپكەرشىلىك»، دەيدى اگەنتتىك وكىلى الەكساندر تەرەنتەۆ.

قارجى قىزمەتتەرىن تۇ­تى­نۋ­­شىلاردىڭ قۇقىعىن قورعاۋ ماقساتىندا اگەنتتىك زاڭناماعا بىرقاتار تۇزەتۋ ەنگىزدى جانە وتكەن جىل­دىڭ قازان ايىنان باس­تاپ نەسيەلىك ۇيىمداردىڭ تولەم قابىلەتىنسىز قارىز الۋشى – جەكە تۇلعالاردىڭ قا­رىز­دارىن رەتتەۋدىڭ بىرىڭ­عاي ءتارتىبى جۇمىس ىستەي باس­تادى. ياعني بانكتەر مەن ميكرو­قارجى ۇيىمدارى مەر­زىمى وتكەن بەرەشەك تۋرالى قارىز الۋشىنى بەرەشەك باستالعان كۇننەن كەيىن 20 كۇن ىشىندە حاباردار ەتۋگە مىندەتتى. حابارلاندىرۋ ىشىن­دە مىنا جايتتار ايتىلۋعا ءتيىس:

1) تۋىنداعان كەشىكتىرۋ­دىڭ ناقتى سوماسىن كورسەتە وتىرىپ، تولەمدەردى جۇزەگە اسىرۋ قاجەت­تىلىگى تۋرالى;

2) قارىز الۋشى – جەكە تۇل­عانىڭ كرەديتورعا حابارلاسۋى;

3) نەسيەلەر مەن ميكرو­كرە­ديت­تەر بويىنشا ءوز مىن­دەت­تەمەلەرىن ورىندا­ماۋدىڭ سالدارى تۋرالى.

«ەگەر ءسىز زايم بويىنشا ءوز مىن­دەتتەمەڭىزدى ورىنداي الماي­تىن بولساڭىز، وندا بانك نەمەسە مقۇ ۇيى­مىنا حا­بار­­لاسۋىڭىز كەرەك. كرەديتوردان قاشۋعا بول­مايدى. تىعىرىقتان شىعىپ كەتۋ – ءسىزدىڭ عانا ەمەس، كرە­دي­­تور­دىڭ دا مۇددەسى. سون­دىقتان قا­­رىزدى شەشۋ بويىنشا شارالار نەعۇرلىم تەز قابىلدانسا، سو­عۇرلىم قارىزدى وتەۋدىڭ ءوزارا قو­لايلى نۇسقاسى تەزىرەك تابىلادى»، دەدى ا.تەرەنتەۆ.

اگەنتتىك مالىمەتى بويىنشا، 2022 جىلدىڭ باسىنان بەرى قار­جى ۇيىمدارى جاسالعان كەلى­­سىمشارتتاردىڭ شارتتارىن وزگەر­تۋ بويىن­شا 68 مىڭ­نان استام قا­رىز الۋشى حابار­لاسقان. ولار­دىڭ قارىز مول­شەرى 123،5 ملرد تەڭگەنى قۇرا­عان. شا­عىمداردى قاراستىرۋ ناتي­­جەسىندە 40 مىڭداي جەكە تۇل­عانىڭ وتىنىشتەرى قابىل­دان­عان. وزگە شاعىمدار بويىنشا جۇمىس جۇر­گىزىلىپ جاتىر.

سوڭعى جاڭالىقتار

جاپونيادا جەر سىلكىندى

الەم • بۇگىن، 10:22

ۇقساس جاڭالىقتار