نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى جول قوزعالىسى قاۋىپسىزدىگىن قامتاماسىز ەتۋ ماقساتىندا نۇر-سۇلتان قالاسى پد اكىمشىلىك پوليتسيا باسقارماسىنىڭ كەلىسىمى بويىنشا جەكەباتىر كوشەسىندەگى جول توسەمىن جوندەۋدىڭ باستالعانىن ءمالىم ەتتى.
وسىعان بايلانىستى 6-12 تامىز ارالىعىندا كوسموناۆتار كوشەسىنەن اتاسۋ كوشەسىنە دەيىنگى ۋچاسكەدە كولىك قوزعالىسى ءىشىنارا جابىلاتىن بولادى.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم وتىنەمىز جانە جوندەۋ جۇمىستارىنىڭ جۇرگىزىلۋىنە تۇسىنىستىكپەن قاراۋدى سۇرايمىز», دەلىنگەن حابارلامادا.
