سپورت • 05 تامىز، 2022

ەلوردادا دزيۋدودان ازيا چەمپيوناتى باستالدى

56 رەت كورسەتىلدى

ەلورداداعى جاقسىلىق ۇشكەمپىروۆ اتىنداعى «جەكپە-جەك» سارايىندا دزيۋدودان ەرلەر مەن ايەلدەر اراسىندا ازيا چەمپيوناتىنىڭ اشىلۋ سالتاناتى ءوتتى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

اشىلۋ سالتاناتىنا قر مادەنيەت جانە سپورت ۆيتسە-ءمينيسترى سەرىك جاراسباەۆ، نۇر-سۇلتان قالاسىنىڭ اكىمى التاي كولگىنوۆ، ازيا دزيۋدو وداعىنىڭ پرەزيدەنتى وبايد ءال انزي، قازاقستان دزيۋدو فەدەراتسياسى پرەزيدەنتىنىڭ مىندەتىن اتقارۋشى اسحات جىتكەەۆ جانە قازاقستان ۇلتتىق وليمپيادالىق كوميتەتىنىڭ باس ديرەكتورى سەرىك قاسقاباسوۆ قاتىستى.

دزيۋدودان ەرلەر مەن ايەلدەر اراسىنداعى ازيا چەمپيوناتىن قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى سەرىك جاراسباەۆ اشتى.

5

«قۇرمەتتى قاۋىم، سپورتشىلار، سىزدەردى قر مادەنيەت جانە سپورت مينيسترلىگى اتىنان نۇر-سۇلتان قالاسىندا ءوتىپ جاتقان دزيۋدودان ازيا چەمپيوناتىنىڭ اشىلۋ سالتاناتىمەن شىن جۇرەكتەن قۇتتىقتايمىن! 19 ەلدەن كەلگەن ەڭ ۇزدىك سپورتشىلارعا ءدۇبىرلى دودادا ساتتىلىك تىلەيمىن! ەڭ مىقتىلار جەڭىسكە جەتسىن»، دەدى ۆيتسە-مينيستر سەرىك جاراسباەۆ.

قۇرلىقتىق بىرىنشىلىكتە ءتورت كۇن بويى تاتامي شەبەرلەرى جەكە جانە ارالاس-كوماندالىق جارىستاردا مىقتىلاردى انىقتايتىن بولادى. تۋرنيرگە ازيانىڭ 19 ەلىنەن كەلگەن 200-گە جۋىق دزيۋدوشى قاتىسىپ جاتىر.

ە

سونداي-اق جارىستىڭ اشىلۋ سالتاناتىمەن قالا اكىمى التاي سەيدىر ۇلى جانە ازيا دزيۋدو وداعىنىڭ پرەزيدەنتى وبايد ءال انزي قۇتتىقتادى.

«قايىرلى كۇن قۇرمەتتى سپورتشىلار جانە جارىس قوناقتارى! دزيۋدودان ەرلەر مەن ايەلدەر اراسىنداعى ازيا چەمپيوناتىنىڭ اشىلۋ سالتاناتىمەن وزدەرىڭىزدى قۇتتىقتايمىن! نۇر-سۇلتانعا قوش كەلدىڭىزدەر! دزيۋدودان ازيا چەمپيوناتى ەلوردامىزدىڭ تاريحىندا ءبىرىنشى رەت ءوتىپ وتىر. دزيۋدو جارىسىنىڭ ءوتۋى سپورتشىلارىمىز ءۇشىن ماڭىزدى. ويتكەنى سپورتشىلاردى شىڭداۋعا مۇمكىندىك بەرەدى. سپورتشىلارعا ساتتىلىك تىلەيمىن! ال ەلىمىزدىڭ دزيۋدوشىلارىنا جوعارى جەتىستىك تىلەي وتىرا، وسى ازيا چەمپيوناتىندا ەلىمىزدىڭ تۋىن كوتەرىپ، ءانۇرانىن شىرقاتۋلارىڭىزعا تىلەكتەسپىن! ەڭ مىقتىلار بۇگىن جەڭىسكە جەتسىن!»، دەدى نۇر-سۇلتان قالاسىنىڭ اكىمى التاي كولگىنوۆ.

بايراقتى باسەكەدە ەل نامىسىن ۇلتتىق قۇراما ساپىنداعى 18 سپورتشى قورعايدى. ولاردىڭ اراسىندا وليمپيادا چەمپيوندارى مەن الەم بىرىنشىلىكتەرىنىڭ جۇلدەگەرلەرى دە باقتارىن سىنايتىن بولادى.

اشىلۋ سالتاناتىندا وبايد ءال-انزي ءىلتيپات تانىتىپ، قۇرمەتتى قوناقتارعا ەستەلىك سىيلىقتار تابىستادى.

يۋ

سونىمەن قاتار قازاقستان ۇلتتىق وليمپيادالىق كوميتەتىنىڭ اتىنان قازاقستانداعى وليمپيادالىق قوزعالىسقا وراسان زور ۇلەس قوسقانى ءۇشىن ازيا دزيۋدو وداعىنىڭ پرەزيدەنتى وبايد ءال-انزي ارنايى توسبەلگىمەن ماراپاتتالدى.

ايتا كەتەيىك، IJF ەرەجەلەرى بويىنشا ازيا چەمپيوناتىنىڭ مەدال يەگەرلەرىنە وليمپيادالىق رەيتينگتە ۇپايلار قوسىلاتىن بولادى. اتاپ ايتقاندا، جەڭىمپاز 700 ۇپاي، كۇمىس جۇلدەگەر – 490 جانە قولا جۇلدە – 350 ۇپاي الادى.

دزيۋدودان ازيا چەمپيوناتىن كورەرمەندەر «Qazsport» وتاندىق سپورت ارناسىنان تاماشالاي الادى.

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار