قوعام • 05 تامىز، 2022

داڭقتى ۇشقىشتىڭ عاسىرلىق مەرەيتويى اتالۋدا

66 رەت كورسەتىلدى

قارۋلى كۇشتەردە اتى اڭىزعا اينالعان ۇشقىش-شابۋىلداۋشى، ۇلى وتان سوعىسىنىڭ داڭقتى ارداگەرى، اۆياتسيا گەنەرال-مايورى تالعات جاقىپبەك ۇلى بيگەلدينوۆتىڭ بيۋستتەرىنە، ەسكەرتكىشتەرىنە جانە جەرلەنگەن جەرىنە گۇل شوقتارى قويىلىپ، سالتاناتتى راسىمدەر ءوتتى، دەپ حابارلايدى Egemen.kz قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

قورعانىس ۆەدومستۆوسىنىڭ باسشىسى ەكى مارتە كەڭەس وداعىنىڭ باتىرى تالعات بيگەلدينوۆتىڭ ەرلىك جولى، ونىڭ قازاقستاننىڭ ازاماتتىق جانە اسكەري اۆياتسياسىن دامىتۋعا، ەلدىڭ مادەني نىساندارى مەن يندۋستريالىق ينفراقۇرىلىمىن سالۋعا قوسقان باعا جەتپەس ۇلەسىن اتاپ ءوتتى.

«اۆياتسيا گەنەرال-مايورى تالعات جاقىپبەك ۇلى بيگەلدينوۆتىڭ ءومىر جولى – حح عاسىرداعى سۇراپىل سوعىستىڭ وشاعىنان وتكەن باتىرلىقتىڭ، قاجىماس قايراتتىڭ، تاباندىلىقتىڭ ايقىن ۇلگىسى. ءبىز، باتىردىڭ ءىزىن باسىپ كەلە جاتقان ۇرپاق جانە جاس بۋىن قازاق حالقىنىڭ باتىر ۇلىنىڭ جانقيارلىعىن ماقتان ەتىپ، ەرلىگىن جادىمىزدا ماڭگى ساقتايمىز»، دەپ اتاپ ءوتتى قورعانىس ءمينيسترى.

ە

وسى كۇنى اقتوبە قالاسىنىڭ اۋە قورعانىسى كۇشتەرى اسكەري ينستيتۋتىنداعى اسكەري داڭق مۇراجايىندا ەكسپوزيتسيا اشىلدى. وندا بيگەلدينوۆتار وتباسىنىڭ جەكە مۇراعاتىنان الىنعان فوتوسۋرەتتەر، باتىر ءومىرىنىڭ كەي ساتتەرىنەن ەستەلىك-جادىگەرلەر قويىلعان.

اۋە قورعانىسى كۇشتەرى اسكەري ينستيتۋتى باسشىلىعىنىڭ ايتۋىنشا، مۇراجاي اقتوبەلىكتەردى جانە ورتالىق ازياداعى جالعىز اسكەري ۇشقىشتار دايىندايتىن ينستيتۋتتىڭ كۋرسانتتارىن تاربيەلەۋگە ىقپال ەتەدى.

د

قازاقستان اسكەري اۆياتسياسىنىڭ داڭقتى ۇشقىشىنىڭ قۇرمەتىنە اۆياتسيالىق بازالاردا، اسكەري بولىمدەر مەن وقۋ ورىندارىندا ءىس-شارالار ۇيىمداستىرىلدى. قازاقتىڭ باتىر ۇلىنا مي-35م، مي-8، مي-171ش اسكەري اۆياتسياسىنىڭ تىكۇشاقتارىندا جانە سۋ-30سم، سۋ-27، سۋ-25، L-39 اسكەري ۇشاقتارىندا ۇشۋ جاتتىعۋلارىن ارنادى.

سونىمەن قاتار، بۇنداي شارالار قارۋلى كۇشتەردىڭ ۇلتتىق اسكەري-پاتريوتتىق ورتالىعىندا دا وتەدى. وندا قورعانىس مينيسترلىگىنىڭ اسكەري وركەسترى مەن ءانسامبلى ۇجىمدارىنىڭ اتسالىسۋىمەن ۇيىمداستىرىلعان سالتاناتتى جيىن مەن مەرەكەلىك كونتسەرت بولادى.

«عاسىرلىق مەرەيتويعا وراي اۋە قورعانىسى كۇشتەرىنىڭ باس قولباسشىسى اۆياتسيا گەنەرال-لەيتەنانتى نۇرلان ورمانبەتوۆ قارۋلى كۇشتەردىڭ ورتالىق اسكەري-تاريحي مۋزەيىنە ەلوردادا ورناتىلعان تالعات بيگەلدينوۆ ەسكەرتكىشىنىڭ شاعىن كوشىرمەسىن تاپسىرادى. سالماعى 25 كەلىدەن اساتىن جارتى مەترلىك ءمۇسىن قولادان قۇيىلعانىن ايتا كەتكەن ءجون»، دەپ جازىلعان حابارلامادا.

 

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار