ايماقتار • 05 تامىز، 2022

قاشاعاندا مۇناي ءوندىرۋ توقتاتىلدى

47 رەت كورسەتىلدى

قاشاعان كەن ورنىندا گاز شىعۋ بەلگىلەرىنە بايلانىستى جۇمىس توقتاتىلدى، دەپ حابارلايدى Egemen.kz.

كاسپي تەڭىزىنىڭ قازاقستاندىق سەكتورىنداعى «قاشاعان» كەن ورنىنان وندىرىلگەن مۇناي قۇبىر ارقىلى «بولاشاق» كەشەندى قوندىرعىسىنا جەتكىزىلەدى. بۇل قوندىرعىدا مۇناي قۇرامى گاز بەن كۇكىرتتەن تازالانىپ، ەكسپورتقا تاسىمالداۋ ءۇشىن دايىندالادى.

«بولاشاق» كەشەندى قوندىرعىسىندا «قاشاعان» مۇنايىن دايىنداۋ پروتسەسى 3 تامىزدا توقتاتىلدى. بۇل دەرەكتى «قاشاعان» كەن ورنىن يگەرىپ جاتقان NCOC كومپانياسىنىڭ سىرتقى قارىم-قاتىناستار ءبولىمى راستادى.

«سولتۇستىك كاسپي جوباسىنىڭ وپەراتورى – NCOC كومپانياسى 3 تامىزدا «بولاشاق» مۇناي مەن گازدى كەشەندى دايىنداۋ قوندىرعىسىنىڭ جۇمىسى ءوندىرىس الاڭىندا گاز كەتۋ بەلگىلەرى انىقتالۋىنا بايلانىستى قاۋىپسىز جولمەن توقتاتىلعانىن راستايدى. ستاندارتتى پروتسەدۋرالارعا سايكەس گاز بەلگى بەرۋشىلەرىنىڭ ىسكە قوسىلۋىنا بايلانىستى قوندىرعىلارداعى قىسىم الاۋ جۇيەسى ارقىلى ءتۇسىرىلدى. بۇل جاعداي ادامداردىڭ دەنساۋلىعىنا زيان كەلتىرگەن جوق. باتىس ەسكەنەدەگى ەكولوگيالىق مونيتورينگ جۇرگىزۋ ستانسالارى لاستاۋشى زاتتاردىڭ شەكتى مولشەردەن اسقان شىعارىندىلارىن كورسەتكەن جوق. وندىرىستىك وپەراتسيالاردى قايتا باستاۋ باعىتىنداعى جۇمىستار جالعاسىپ جاتىر»، دەپ ءمالىم ەتتى NCOC كومپانياسىنىڭ سىرتقى قارىم-قاتىناستار بولىمىنەن.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار