تەننيس • 05 تامىز، 2022

قازاقستاندىق تەننيسشىلەر الەم چەمپيوناتىنىڭ جارتىلاي فينالىنا ءوتتى

20 رەت كورسەتىلدى

تەننيستەن قازاقستان كومانداسى تاريحتا العاش رەت چەحياداعى جاسوسپىرىمدەر اراسىنداعى الەم چەمپيوناتىنىڭ جارتىلاي فينالىنا شىقتى، دەپ حابارلايدى  Egemen.kz ۇوك-كە سىلتەمە جاساپ. 

سلوۆەنيانى 2:0 ەسەبىمەن جەڭگەننەن كەيىن ەل قۇراماسى جارتىلاي فينالدا ونەر كورسەتۋ مۇمكىندىگىنە يە بولدى.

كوماندا كاپيتانى سەرگەي كۆاك باستاپقى ويىنعا تاعى دا دانيەل تازابەكوۆتى قويدى جانە ول كەزەكتى رەت سەنىمدى اقتادى. سۆيت سۋليچكە قارسى ويىندا دانيەل سالقىنقاندىلىق تانىتتى. ءبىرىنشى سەت 4:6 ەسەپ ۇتىلعانىنا قاراماستان، ەكىنشى پارتيادا تازابەكوۆ تەز ارادا جيناقتالىپ، تاي-برەيكتە قارسىلاسىن قىسپاققا الدى. ەسەپ -  7:6 (8:6).

شەشۋشى ءۇشىنشى پارتيادا دانيەل بىردەن 4:1 ەسەبىمەن الدا بولدى. التىنشى گەيمدە سپورتشى سۋليچ مەديتسينالىق تايم-اۋت ۋاقىتىن الدى. كەيىن جاس قازاقستاندىق ءوز شابۋىلىن جالعاستىرىپ، ويىندى 6:2-گە سەنىمدى جەتكىزدى.

ودان كەيىن الاڭعا زاڭعار نۇرلان ۇلى مەن جيگا شەشكو شىقتى. ءبىرىنشى سەت زانعاردا قالدى - 6: 4. ەكىنشى پارتيانىڭ باسىندا قارسىلاستار برەيكتەرمەن الماستى. بىراق شەشكونىڭ  كۇشى ءسال سايابىرلادى، كەيىن زانعار سەتتى سەنىمدى تۇردە اياقتادى. ال ودان كەيىن ماتچتى – 6:4، 6:3 ەسەبىمەن جەڭدى.

بۇگىن الەم چەمپيوناتىنىڭ جارتىلاي فينالىندا ءبىزدىڭ جاسوسپىرىمدەر گەرمانيا قۇراماسىمەن تالاسادى.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار