قوعام • 05 تامىز، 2022

بايلانىس وپەراتورلارىنا 135 ملن تەڭگە ايىپپۇل سالىندى

41 رەت كورسەتىلدى

وتكەن جىلى ينتەرنەت پەن بايلانىس قىزمەتىن ساپاسىز كورسەتكەن وپەراتورلارعا 135 ملن تەڭگە ايىپپۇل سالىندى. بۇل تۋرالى تسيفرلىق دامۋ، يننوۆاتسيا جانە اەروعارىش ونەركاسىبى ۆيتسە-ءمينيسترى اسحات ورازبەك ءمالىم ەتتى، دەپ حابارلايدى Egemen.kz.

ونىڭ اتاپ وتۋىنشە، بۇگىندە ەلىمىزدىڭ 99 پايىزى ينتەرنەتپەن قامتىلعان. بىراق، بۇل ينتەرنەت پەن بايلانىس قىزمەتى تەك اۋىلدىق ەلدى مەكەندەردە عانا ەمەس سونىمەن بىرگە قالالاردا دا ساپالى دەپ ايتۋعا كەلمەيدى.

«ەڭ الدىمەن، بيىل اكىمشىلىك قۇقىق بۇزۋشىلىق تۋرالى كودەكستە ينتەرنەتكە ءموبيلدى كەڭجولاقتى قولجەتىمدىلىكتى ساپاسىز كورسەتكەنى ءۇشىن ايىپپۇل كولەمىن ارتتىردىق. ەكىنشىدەن، وتكەن جىلى ينتەرنەتكە قولجەتىمدىلىكتىڭ ءار ءتۇرى بويىنشا شەكتى ءمان ەنگىزدىك: 3G ءۇشىن سەكۋندىنا 1 مەگابيت، 4G ءۇشىن سەكۋندىنا 5 مەگابيت. قازاقستاننىڭ بۇكىل اۋماعى بويىنشا ساپانى تەكسەرۋ باعىتىندا دا ۇلكەن جۇمىس اتقارىپ جاتىرمىز. «مەملەكەتتىك راديو جيىلىك قىزمەتى» ازاماتتاردىڭ شاعىمىمەن ۇنەمى وڭىرلەرگە شىعىپ تۇرادى»، دەدى اسحات ورازبەك ەلوردادا ءوتىپ جاتقان «تسيفرلىق قازاقستانعا بەتبۇرىس» اتتى حالىقارالىق فورۋمدا.

ۆيتسە-ءمينيستردىڭ ايتۋىنشا، وتكەن جىلى 500-دەن استام تەكسەرۋ جۇرگىزىلدى. ازاماتتاردىڭ شاعىمىنىڭ باسىم بولىگى ءموبيلدى جەلى ارقىلى ينتەرنەتكە قولجەتىمدىلىكتىڭ ساپاسىزدىعىنا قاتىستى بولدى.

ء«بىز ايىپپۇل كولەمىن 10 ەسەگە ارتتىردىق. قازىرگى ۋاقىتتا ازاماتتاردىڭ ارىزى بويىنشا بايلانىس ساپاسىنىڭ بۇزىلعانىن انىقتاساق، وندا بايلانىس وپەراتورى 500 اەك ايىپپۇل تولەيدى. ال بۇزۋشىلىق قايتا انىقتالعان جاعدايدا، ياعني بايلانىس ءالى دە ساپاسىز كورسەتىلسە، وندا ايىپپۇل 1،5 مىڭ اەك بولادى. وتكەن جىلى 500-دەن استام تەكسەرۋ جۇرگىزىلىپ، 135 ملن تەڭگەگە ايىپپۇل سالىندى»، دەدى ول.



سوڭعى جاڭالىقتار

پلەي-وففتان تىس قالدى

فۋتبول • بۇگىن، 08:43

ءۇشىنشى ورىنعا كوتەرىلدى

سپورت • بۇگىن، 08:40

ۇزدىك تورتتىكتىڭ قاتارىندا

تەننيس • بۇگىن، 08:39

مىڭعا جۋىق بالانى كەنە شاقتى

ايماقتار • بۇگىن، 08:34

اۋرۋحانانىڭ جاڭا كورپۋسى اشىلادى

مەديتسينا • بۇگىن، 08:30

قاڭعىباس مىسىقتان قاۋىپ كوپ

قوعام • بۇگىن، 08:25

تسيفرلاندىرۋ جۇمىسىمەن تانىستى

ايماقتار • بۇگىن، 08:15

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار