ۇكىمەت باسشىسىنىڭ سايتىندا اتاپ وتىلگەندەي, اۋىل شارۋاشىلىعىن رەتتەۋ ماسەلەلەرىن تالقىلاۋ اياسىندا پرەمەر-مينيستر بەيىندى مينيسترلىك تاراپىنان جىبەرىلگەن كەمشىلىكتەرگە نازار اۋداردى.
«اۋىل شارۋاشىلىعى مينيسترلىگى نە ىستەپ جاتقانىن دۇرىس تۇسىندىرمەيدى, سوندىقتان كاسىپكەرلەر نە بولىپ جاتقاندىعى تۋرالى بۇرمالانعان تۇسىنىك قالىپتاستىرادى. بىزدە بيدايدى شىعارۋعا تىيىم سالۋ تۋرالى شەشىم بولعان جوق! ءبىز كۆوتا تۇرىندە شەكتەۋلەر ەنگىزدىك, بىراق ءبىز ونى ادەتتە ەكسپورتتاعان كولەمنەن جوعارى قويدىق», دەدى ءاليحان سمايىلوۆ.
ۇكىمەت باسشىسىنىڭ ايتۋىنشا, ەگەر قازاقستان ايىنا شامامەن 350 مىڭ توننا استىق ەكسپورتتايتىن بولسا, وندا كۆوتا وسى جىلدىڭ قىركۇيەك ايىنىڭ سوڭىنا دەيىن قولدانىستاعى ەكسپورتتىق شارتتاردى شەكتەمەي, بىراق ازىق-ت ۇلىكتىك استىقتى باقىلاۋسىز جاپپاي اكەتۋدەن الدىن الا قورعاۋدى قامتاماسىز ەتۋ ءۇشىن ايىنا 500 مىڭ توننادان جوعارى دەڭگەيدە بەلگىلەنەدى.
سونداي-اق وتىرىستا اگروونەركاسىپتىك كەشەندى, مەتاللۋرگيانى, كولىك سالاسىن, ەنەرگەتيكانى, سالىقتىق اكىمشىلەندىرۋدى دامىتۋ جانە باسقا دا ماسەلەلەر قارالدى.
