ءتىلسىز جاۋ ءىرى جەم-ءشوپ جينالاتىن اشىق اۋماقتا دا, شابىندىقتاردا دا شىققان.
سوڭعى جاعدايلار ۇلان, كۇرشىم, تارباعاتاي اۋداندارىندا تىركەلگەن. شابىندىقتاردا ءورت شىعۋىنىڭ نەگىزگى سەبەپتەرى – وتتى ابايسىز پايدالانۋ, ءورت قاۋىپسىزدىگى تالاپتارىن ساقتاماۋ.
قۇتقارۋشىلاردىڭ ايتۋىنشا, وبلىس اۋماعىندا پىشەن ءورتى ءجيى تىركەلەدى. ال جالىن مالعا تەز تارالادى.
ء«ورتتىڭ الدىن الۋ ماقساتىندا اۋىل شارۋاشىلىعى كاسىپورىندارىنىڭ باسشىلارىمەن جانە جۇمىسكەرلەرىمەن, ساياجاي تۇرعىندارىمەن تۇراقتى نەگىزدە نۇسقاۋلىقتار, جيىندار وتكىزىلىپ, ۇگىت-ناسيحات ماتەريالدارى تاراتىلۋدا. حالىقتى قاۋىپسىزدىك تالاپتارىن قاتاڭ ساقتاۋعا شاقىرامىز. پىشەندى كولىكپەن تاسىمالداۋ كەزىندە ونىڭ بيىكتىگى 4,5 مەتردەن اسپاۋى ءتيىس», دەدى وبلىستىق تجد باستىعىنىڭ ورىنباسارى سەرىك امانگەلدين.
