ءتورت-قۇدىق كەن ورنى پاۆلودار وبلىسى ەكىباستۇز اۋماعىندا ورنالاسقان. وندا «الگولد» جشس كەندى قايتا وڭدەۋدى ءتيىستى كونتسەنتراتتاردى الا وتىرىپ, گراۆيتاتسيالىق شوعىرلاندىرۋمەن جانە ءداستۇرلى فلوتاتسيالىق ادىسپەن جۇزەگە اسىرادى.
- تەكسەرۋ جۇرگىزۋ بارىسىندا قالدىقتاردىڭ مەملەكەتتىك كاداسترىن جۇرگىزۋ, وندىرىستىك ەكولوگيالىق باقىلاۋ, وبەكتىنىڭ ساناتىن ايقىنداۋ جانە مەملەكەتتىك ەكولوگيالىق ساراپتامانىڭ قورىتىندىسى بولىگىندە ەرەجە بۇزۋ دەرەگى انىقتالدى, - دەدى دەپارتامەنت وكىلى.
دەپارتامەنت «الگولد» جشس-نە قاتىستى جالپى سوماسى 1 396 728 تەڭگەگە بەس اكىمشىلىك ايىپپۇل سالدى. جوعارىدا كورسەتىلگەن كەمشىلىكتەردى جويۋ تۋرالى نۇسقامالار بەرىلدى.
ال «شارباقتى-قۇس» جشس شارۋاشىلىعى جۇمىرتقا جانە قۇس ەتى تۇرىندە ءونىم وندىرەتىن مەكيەن تاۋىقتاردى اسىراۋمەن اينالىسادى.
- مۇندا تەكسەرۋ ناتيجەلەرى بويىنشا مەملەكەتتىك ەكولوگيالىق ساراپتاما قورىتىندىسىندا كورسەتىلگەن تالاپتارعا سايكەس كەلمەۋ فاكتىلەرى انىقتالدى. بۇل ءوز كەزەگىندە قر ەكولوگيالىق كودەكسىنىڭ 90-بابىنىڭ 1-تارماعىنا قايشى كەلەدى. سونداي-اق قالدىقتارمەن جۇمىس ىستەۋ بولىگىنە دە قايشى, - دەدى دەپارتامەنتتەگىلەر.
