« ۇلىمنىڭ سىرقاتىمەن 4 جىل بويى كۇرەسىپ كەلەمىن. ۇلىما 1 جاس 8 اي كەزىندە سۋىق ءتيىپ, جرۆي-دان كەيىن «ەستۋ قابىلەتىنىڭ 4-دارەجەلى تومەندەۋى» دياگنوزى قويىلدى. بەرتىن كەلە پايدا بولعان سىرقات تۋرالى عالامتوردان اقپاراتتار قارايمىن, سۇراستىرامىن, باسقا ەلدەگى انالارمەن سويلەسەمىن. بالاسىنىڭ سىرقاتى تۋرالى ايتپايتىن, جاسىراتىن انالار دا بار. ولار قاتەلەسەدى. بۇل ماسەلەمەن ءبولىسۋ كەرەك, ايتۋ كەرەك. دارىگەرلەر بىزگە كومەك كورسەتۋ تىم كەش دەپ ايتقانىمەن, مەن قول قۋسىرىپ وتىرمادىم. بالالار اۋرۋحاناسىنا پورتال ارقىلى كەلدىك. دارىگەر ارمان ابىلەۆپەن كەزدەسكەنىمدە, ول بالانىڭ تالداۋلارىن قارادى, ەڭ باستىسى - ميدىڭ ساماي بولىگىنىڭ كومپيۋتەرلىك توموگرافياسىنىڭ قورىتىندىسى ەكەنىن ايتتى. ول ءۇشىن ەگوردىڭ قۇلاق ءىشى ءيىرىمىنىڭ اۋىتقۋسىز ەكەنىنە كوز جەتكىزۋ دە ماڭىزدى بولدى», دەيدى بالانىڭ اناسى ە.شلەي.
نۇر-سۇلتان قالاسى اكىمدىگىنىڭ №2 كوپسالالى قالالىق بالالار اۋرۋحاناسى شجق-ىنداعى مكك وتورينولارينگولوگيا ءبولىمىنىڭ مەڭگەرۋشىسى ارمان ابىلەۆتىڭ جەتەكشىلىگىمەن دارىگەرلەر بريگاداسى ايماقتان كەلگەن 6 جاسار بالاعا ءمامس جۇيەسىندە بىرەگەي وتا جاسادى.
ايتا كەتسەك, اۋرۋحانانىڭ وتورينولارينگولوگيا ءبولىمى نۇر-سۇلتان قالاسىنىڭ بالالارىنا تاۋلىك بويى جوسپارلى جانە شۇعىل كومەك كورسەتەدى جانە جاقىن ماڭداعى اۋدانداردا تۇراتىن بالالارعا شۇعىل كومەك كورسەتەدى.
ءبولىم مەديتسينالىق اپپاراتتارمەن جانە مەديتسينالىق قۇرال-جابدىقتارمەن تولىقتاي جابدىقتالعان. اۋرۋحانادا لور اۋرۋلارى كەزىندەگى شۇعىل جانە جوسپارلى وتالاردىڭ نەگىزگى تۇرلەرى, سونىڭ ىشىندە مۇرىنماڭى قۋىستارىنا از ءينۆازيۆتى وتالار (FESS حيرۋرگياسى), كەڭسىرىكتىڭ قيسايۋىن ەندوسكوپيالىق حيرۋرگيالىق جولمەن تۇزەتۋ, كەڭسىرىك ىسىگىن (پوليپ), مۇرىن وزەگىنىڭ جىلاۋىعى (كيستا) مەن تاماق-كومەي ىسىگىن (ادەنويد) الۋ, تونزيللەكتوميا, ەستۋ قابىلەتىن جاقسارتۋ وتالارى: بارلىق تۇردەگى تيمپانوپلاستيكا, ورتاڭعى قۇلاقتىڭ حولەستاتوماسىنا راديكالدى انتروماستويدەكتوميا, سونداي-اق كوحلەارلىق يمپلانتاتسيا سياقتى جوعارى تەحنولوگيالىق مەديتسينالىق قىزمەتتەر جاسالادى.
