بيىل 26 شىلدەدە ۇلتتىق بانك بازالىق مولشەرلەمەنى 0,5 بازالىق تارماققا (14-تەن 14,5 پايىزعا) كوتەرگەننەن كەيىن قدكبق ەكىنشى دەڭگەيلى بانكتەرگە سالىمدار بويىنشا مولشەرلەمەلەردى كوتەرۋگە ۇسىنىس بىلدىرگەن ەدى.
ايتا كەتەيىك, ەلىمىزدە 20 بانك – كەپىلدەندىرىلگەن دەپوزيت جۇيەسىنىڭ قاتىسۋشىسى. قدكبق جيناقتاۋشى سالىمدار بويىنشا – 20 ملن تەڭگەگە دەيىن, جيناقتاۋشىدان وزگە تەڭگەمەن ساقتالعان بارلىق دەپوزيتتەر بويىنشا – 10 ملن تەڭگەگە دەيىن, شەتەل ۆاليۋتاسىنداعى دەپوزيتتەر بويىنشا 5 ملن تەڭگەگە دەيىن كەپىلدىك بەرەدى.
تۇرعىنداردىڭ بارلىق سالىمدارى زاڭمەن بەلگىلەنگەن وتەۋدىڭ ەڭ جوعارى سوماسىنا دەيىن كەپىلدىكپەن جابىلادى. بۇل رەتتە قوردىڭ كەپىلدىك وتەماقى تولەۋگە ارنالعان رەزەرۆى قوردىڭ جارعىلىق كاپيتالىنىڭ 70 پايىزىن ەسەپكە العاندا 944,3 ملرد تەڭگەگە جەتتى. ونى وتەماقى تولەۋگە دە پايدالانۋعا بولادى.
«جيناقتالعان رەزەرۆ جەكە تۇلعالاردىڭ دەپوزيتتىك بازاسىنىڭ 7 پايىزدان استامىن قۇرايدى, بۇل زاڭدا كوزدەلگەن 5 پايىزدىق دەڭگەيدەن جوعارى. بۇل كورسەتكىش ۇزدىك الەمدىك تاجىريبەگە سايكەس كەلەدى جانە دامىعان ەلدەر دەڭگەيىندە. وسىلايشا, قازاقستاندىقتاردىڭ جيناقتارى كەپىلدىك وتەماقىنىڭ ەڭ جوعارى مولشەرى شەگىندە تولىقتاي قورعالادى. شەتەلدىك بانكتەردىڭ ەنشىلەس ۇيىمدارىن قوسا العاندا, قازاقستاندىق بانكتەردەگى دەپوزيتتىك شوتتاردىڭ 99,8 پايىزى تولىق كەپىلدىكپەن قورعالعان», دەپ ءتۇسىندىردى بۇل جاعدايدى قور باسشىسى ءادىل وتەمباەۆ.
ازىرگە بانكتەر اراسىنان تەك Home Credit Bank قانا مولشەرلەمەلەردى جوعارىلاتتى. قارجى ينستيتۋتى «پروستوي» جانە «پوچتوۆىي حوۋم» شۇعىل دەپوزيتتەرى بويىنشا جىلدىق ءتيىمدى مولشەرلەمەنى 14 پايىز, ال جيناقتاۋشى دەپوزيت بويىنشا ماكسيمالدى جىلدىق ءتيىمدى مولشەرلەمەنى 16 پايىزعا دەيىن كوتەردى. بۇل بانكتەگى سالىمنىڭ مينيمالدى سوماسى 1000 تەڭگەدەن باستالادى. ودان ءارى قانشا سوماعا دەيىن سالام دەسە دە شەكتەلمەيدى.
دەپوزيتتەرگە كەپىلدىك بەرۋ قورىنىڭ حابارلاۋىنشا, بولىپ جاتقان گەوساياسي تاۋەكەلدەر, ينفلياتسيالىق ۇدەرىستەردىڭ كۇشەيۋى, قاڭتار وقيعاسى جانە ودان كەيىن رەسەيلىك ەنشىلەس بانكتەرگە اسەر ەتكەن ىقپالشارالىق شەكتەۋلەر بانكتەردىڭ جيىنتىق بولشەك دەپوزيتتىك بازاسىنىڭ پارامەترلەرىنە اسەر ەتپەي قويمادى.
«وسىعان قاراماستان, قدكبق حالىقتىڭ بانك دەپوزيتتەرىنە تۇراقتى سەنىمى ساقتالعاندىعىن اتاپ وتەدى. 2022 جىلدىڭ اقپان-ناۋرىز ايلارىنداعى ۆاليۋتا باعامدارىنىڭ جوعارى قۇبىلمالىلىعى جاعدايىندا ايىرباس باعامىن قايتا باعالاۋ دەپوزيتتەردىڭ ايلىق سەرپىنىنە ايتارلىقتاي اسەر ەتتى. تەڭگەدەگى دەپوزيتتەر بويىنشا جالپى قالدىق مامىردا 0,7 پايىزعا وسسە, ناقتى ۆاليۋتالىق قالدىقتار 0,8 پايىزعا ءوستى. بۇل 2022 جىلدىڭ مامىر ايىنىڭ سوڭىنا قاراي جەكە تۇلعالاردىڭ دەپوزيتتەرىنىڭ جالپى كولەمىنىڭ 0,9 پايىزعا (12,8-دەن 12,7 ترلن تەڭگەگە دەيىن) ازداپ تومەندەۋى ۇلتتىق ۆاليۋتانىڭ 4,7 پايىزعا نىعايۋى اسەرىنەن ۆاليۋتانىڭ قايتا باعالانۋىمەن بايلانىستى بولدى ء(بىر دوللار مامىردىڭ باسىندا 448,49 تەڭگەدەن مامىردىڭ اياعىندا 427,39 تەڭگەگە دەيىن)», دەلىنگەن قور حابارلاماسىندا.
قور توراعاسى ءادىل وتەمباەۆتىڭ ايتۋىنشا, ازاماتتاردىڭ تەڭگەمەن اشقان دەپوزيتتەرىنىڭ ايتارلىقتاي ءوسىمى بايقالادى. بۇل نارىقتاعى جاعدايدىڭ تۇراقتانعانىن, سونداي-اق حالىقتىڭ ۇلتتىق ۆاليۋتاعا دەگەن سەنىمىنىڭ ساقتالعانىن كورسەتەدى دەيدى ول.
