ساپاردىڭ ءبىرىنشى كۇنى ريم پاپاسىنىڭ قازاقستان پرەزيدەنتى قاسىم-جومارت توقاەۆپەن, سونداي-اق ەلىمىزدە تىركەلگەن شەتەلدىك ديپلوماتيالىق كورپۋس جانە ازاماتتىق قوعام وكىلدەرىمەن كەزدەسۋلەرى جوسپارلانعان.
ريم-كاتوليك شىركەۋىنىڭ باسشىسى ساپارىنىڭ ەكىنشى كۇنىندە الەمدىك جانە ءداستۇرلى دىندەر ليدەرلەرىنىڭ VII سەزىنىڭ اشىلۋىنا جانە پلەنارلىق وتىرىسىنا, سونداي-اق كەيبىر باسقا ءدىن ليدەرلەرىمەن بىرقاتار كەزدەسۋگە قاتىسادى دەپ كۇتىلىپ وتىر.
14 قىركۇيەكتە ريم پاپاسى فرانتسيسك مىڭداعان كاتوليك ءدىنىن ۇستانۋشىلار, سونىڭ ىشىندە قازاقستان استاناسىنا ارنايى كەلەتىندەرى ءۇشىن دۇعا (مەسسا) وتكىزەدى.
ساپاردىڭ سوڭعى كۇنىندە ول الەمدىك جانە ءداستۇرلى دىندەر ليدەرلەرىنىڭ VII سەزىنىڭ جابىلۋىنا جانە ونىڭ قورىتىندى دەكلاراتسياسىنىڭ قابىلدانۋىنا قاتىسۋدى, سونداي-اق ريم-كاتوليك شىركەۋىنىڭ قازاقستانداعى جانە كورشى ەلدەردەن كەلەتىن ءدىن قىزمەتكەرلەرىمەن, موناحتارىمەن جانە سەميناريستەرىمەن كەزدەسۋدى جوسپارلاپ وتىر.
ەسكە سالا كەتسەك, پرەزيدەنت قاسىم-جومارت توقاەۆتىڭ شاقىرۋىمەن 13-15 قىركۇيەكتە ريم پاپاسى فرانتسيسك قازاقستانعا مەملەكەتتىك ساپارمەن كەلەدى.
