ەلوردا «سارى ايماقتان» شىعا الار ەمەس

1 تامىزداعى جاعداي بويىن­شا كوروناۆيرۋسقا قاتىستى قا­زاق­ستان وڭىرلەرىندەگى ەپيدە­ميا­لىق احۋالدى باعالاۋ ماتريتساسى جاريالانىپ, نۇر-سۇلتان قا­لا­سىنىڭ «سارى ايماقتا», قال­عان ءوڭىردىڭ بارلىعى «جاسىل ايماقتا» ورنالاسقانى بەلگىلى بولدى. سەنبى كۇنى كوروناۆيرۋستى 2 713 ادام, جەكسەنبىدە 2 414 ادام جۇقتىردى. وتكەن تاۋ­لىكتە ىندەتكە شالدىققانى انىقتالعان ازاماتتاردىڭ 947-ءسى – ەلوردالىقتار. ودان كەيىن ەڭ كوپ كۆي جۇقتىرۋ جاعدايى الماتى قالاسىندا (464 ادام), قاراعاندى وبلىسىندا (367 ادام) جانە اقمولا وبلىسىندا (101 ادام) تىركەلدى. جالپى, پاندەميا باستالعالى اتالعان ين­فەكتسياعا ەلىمىزدە 1 352 594 ادام شالدىقتى.

قازىر ەلىمىزدە كوروناۆيرۋس­تان 26 687 ادام ەمدەلىپ جاتىر. ولاردىڭ ىشىندە 1 527 پاتسيەنت ستا­تسيوناردا, 25 160 ناۋقاس امبۋ­­­لاتوريالىق دەڭگەيدە ەم قا­بىل­­داۋدا. بۇل رەتتە 44 ادامنىڭ جاعدايى اۋىر, 10 پاتسيەنتتىڭ جاعدايى وتە اۋىر جانە 5 ناۋقاس وكپەنى جاساندى جەلدەتۋ اپپاراتىنا قوسىلعانىن ايتا كەتۋ كەرەك. ال وتكەن تاۋلىكتە 1 949 ادام كوروناۆيرۋس ينفەكتسياسىنان جازىلىپ شىقتى.

حالقى ىندەتكە ءجيى ۇشى­راپ جات­قان استانادا 7 ين­فەك­تسيا­لىق ستاتسيو­نار جۇمىس ىس­تەپ جا­تىر. بۇل ينفەكتسيالىق­ ستا­تسيونارلاردىڭ سى­يىمدىلىعى 634 توسەكتى قۇ­راي­دى. وندا قازىر 449 ادام ەم قابىلداۋدا, ستاتسيونار جۇكتەمەسى 70,8%-دى قۇرايدى. ونىڭ ىشىندە 438 ناۋقاستا كۆي راستالسا, 11 ادام پنەۆمونيامەن اۋىرىپ جاتىر. جان ساقتاۋ بولىمشەسىندە 28 پاتسيەنت ەمدەلىپ جاتىر, ونىڭ بىرەۋى ءوجج-عا قوسىلعان. اتالعان بولىمشەدەگى جۇكتەمە 38,9%-دى قۇرايدى.

جالپى, نۇر-سۇلتان قالا­سىن­دا وتكەن تاۋلىكتە 2 780 پتر زەرتتەۋ جۇرگىزىلىپ, ناتيجەسىندە 947 العاشقى زەرتحانالىق راس­تالعان جاعداي, 12 قايتالاما جاع­داي تىركەلدى. پاندەميا كەزە­ڭىن­دە بارلىعى 3 397 437 پتر زەرتتەۋ جۇرگىزىلدى.

ال ۆاكتسينالاۋ جاعدايىنا كەلسەك, بۇگىندە قازاقستاندا كو­رو­ناۆيرۋس ينفەكتسياسىنا قار­سى ءبىرىنشى كومپونەنتپەن 9 554 903 ادام, ەكىنشى كومپونەنتپەن 9 334 764 ادام ۆاكتسينا سالدىردى. سونىڭ ىشىندە Pfizer ۆاكتسيناسىنىڭ ءبىرىنشى دوزاسىن 1 234 557 ادام, ەكىنشى دوزاسىن 1 186 887 ادام الدى.