«ەاەو شەڭبەرىندە جۇرگىزىلىپ جاتقان جۇمىس بارىسىندا اۆتوموبيلدەرگە «SOS» باتىرماسىن ورناتۋ بويىنشا مىندەتتەمە الىنىپ تاستالدى. بۇل اكەلىنەتىن ءاربىر اۆتوموبيلگە وسىنداي قۇرىلعىلاردى ورناتۋ ءۇشىن ەل ازاماتتارىن قوسىمشا شىعىنعا ۇشىراتپاۋ تۇرعىسىندا ءتيىمدى. سونىمەن قاتار, ەلەكتر قۇرىلعىلارىنىڭ ەنەرگيا تيىمدىلىگى تۋرالى تەحنيكالىق رەگلامەنتتىڭ كۇشىنە ەنۋ مەرزىمى ۇزارتىلدى, بۇل تۇرمىستىق تەحنيكانىڭ باعاسىن ەداۋىر ارتتىرۋى مۇمكىن», دەپ جازىلعان حابارلامادا.
سونداي-اق بيىل ستاندارتتاۋ جوسپارى شەڭبەرىندە 340 ستاندارت ازىرلەنىپ جاتىر. ونىڭ 140-ى مەملەكەتارالىق ستاندارتتار. العاش رەت عىلىمي-ەكسپەريمەنتتىك زەرتتەۋلەر جۇرگىزە وتىرىپ, ستاندارتتاردى ازىرلەۋ تىكەلەي كوزدەلگەن. قازىردىڭ وزىندە بىرقاتار الەۋمەتتىك ماڭىزى بار ستاندارت قابىلداندى. اتاپ ايتقاندا ولار ەلەكتر ساموكاتتارىنا قاتىستى.
