زاماناۋي قۇرىلعىلاردىڭ ءتىلىن مەڭگەرۋ – ۋاقىت تالابى. سارعايعان قۇجاتتاردى رەتكە كەلتىرۋ ءۇشىن ارحيۆ قىزمەتكەرلەرى بەلسەندى جۇمىس ىستەۋدە. بۇگىندە جاس ماماندارعا جۇمىس جۇيەسىن ۇيرەتىپ, ارىپتەستەرىمەن بىلگەنىن بولىسۋدە.
تاجىريبە بارىسىندا «ۆەدومستۆولىق ءارحيۆتى تولىمداۋ قىزمەتى» ءبولىمىنىڭ قىزمەتكەرلەرى تۇپنۇسقا قۇجاتتاردى ىرىكتەپ, قوناقتارعا قايتا وڭدەۋ پروتسەسىن كورسەتتى. شەجىرەلى دەرەكتەردى قاتتاپ, جىرتىلعان جەرلەرىن جاماۋ ادىستەرىن دە ۇيرەتتى.
ءىس-شارا سوڭىندا ەلوردا ءارحيۆى الماتىلىق ارحيۆشىلەرگە ارنايى سەرتيفيكات تابىستادى. سەرتيفيكاتتى «ۆەدومستۆولىق ءارحيۆتى تولىمداۋ قىزمەتى» ءبولىم باسشىسىنىڭ ورىنباسارى ايكەن جاكانقىزى تابىستادى.
ايتا كەتەيىك, قازاق تاريحىن قالىپتاستىرۋ ءۇشىن بيلىك وكىلدەرى, عالىمدار, تاريحشىلار, ارحيۆ قىزمەتكەرلەرى, زاڭگەرلەر جاپپاي ەڭبەكتەنۋدە. بۇل, ارينە, قۋانتارلىق ءىس. قولىمىزداعى بار قۇجاتتى شاشپاي-توكپەي جيناستىرىپ, وسكەلەڭ ۇرپاققا تابىستاپ كەتۋ ۇلتقا پارىز.
وسى رەتتە «ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ ماتەريالدارى: حح عاسىردىڭ 20-30-جىلدارى» دەگەن ەكى تومدىق جيناق كىتاپ جارىق كوردى.
اتالعان جيناققا قالالىق ارحيۆ قويماسىنان الىنعان تاريحي قۇندى دەرەكتەر ەنگىزىلدى. ۇلت ءۇشىن, ۇرپاق ءۇشىن قىزمەت ەتۋ – ۇلى ءىس. مۇنى ارحيۆ قىزمەتكەرلەرى ماقتان تۇتادى.
