ۆيتسە-مينيستر جانەل كۋشۋكوۆانىڭ ايتۋىنشا, 2022 جىلدىڭ 5 ايىندا قازاقستاننىڭ سىرتقى ساۋداسىنىڭ وڭ ديناميكاسى بايقالادى. بيىل قاڭتار-مامىردا سىرتقى ساۋدا اينالىمى 51,3 ملرد دوللاردى قۇرادى. ەكسپورت وتكەن جىلدىڭ سايكەس كەزەڭىمەن سالىستىرعاندا 59%-عا ءوسىپ, 34,2 ملرد دوللار بولدى. سونداي-اق قازاقستاننىڭ ەاەو ەلدەرىمەن ساۋداسى وڭ ديناميكانى كورسەتۋدى جالعاستىرۋدا.
«قازاقستاننىڭ ەاەو بويىنشا ارىپتەستەرىمەن تاۋار اينالىمى 2022 جىلدىڭ 5 ايىندا 10 ملرد دوللاردى قۇرادى, بۇل 2021 جىلدىڭ سايكەس كەزەڭىمەن سالىستىرعاندا 5%-عا جوعارى. ەاەو ەلدەرىنىڭ نارىقتارىنداعى قازاقستاندىق تاۋارلار ءۇشىن كەدەرگىلەردى جويۋ بويىنشا جۇمىس جالعاسىپ جاتىر», دەدى ج.كۋشۋكوۆا.
ساۋدا جانە ينتەگراتسيا ۆيتسە-ءمينيسترى اسەل جاناسوۆا بۇگىنگى تاڭدا مينيسترلىك 9 تسيفرلى جوبانى ىسكە اسىرىپ جاتقانىن حابارلادى. ولاردىڭ اراسىندا تولەم جۇيەسى بار الەۋمەتتىك ءامياندى ەنگىزۋ دە بار.
«بۇگىنگى تاڭدا «الەۋمەتتىك ءاميان» بويىنشا قاناتقاقتى جوبانى جۇرگىزۋ جۇمىستارى مۇددەلى مەملەكەتتىك ورگانداردىڭ, ۇيىمداردىڭ جانە ەدب-نىڭ قاتىسۋىمەن جالعاسىپ جاتىر», دەدى ءا.جاناسوۆا.
سونىمەن قاتار ب.سۇلتانوۆ جىل سوڭىنا دەيىن مۇددەلى ورگاندارمەن, ۇيىمدارمەن جانە ەدب-مەن بىرلەسىپ «الەۋمەتتىك ءامياندى» ەنگىزۋ قاجەتتىگىن اتاپ ءوتتى.
«جوبانى ىسكە اسىرۋ ولاردى پايدالانۋ تيىمدىلىگىنىڭ مونيتورينگىن قامتاماسىز ەتە وتىرىپ, حالىقتى الەۋمەتتىك قولداۋ قاراجاتىن ءبولۋدىڭ تسيفرلى قۇرالىن جىلدام قۇرۋدى قامتاماسىز ەتەدى», دەدى ب.سۇلتانوۆ.
القا وتىرىسى بارىسىندا ساۋدا كوميتەتىنىڭ توراعاسى ەرجان قازانباەۆ تا بايانداما جاسادى. ونىڭ ايتۋىنشا, ىشكى تاۋار اينالىمى ءوستى. وسى جىلدىڭ قاڭتار-ماۋسىم ايلارىندا تاۋار اينالىمىنىڭ كولەمى 20,6 ترلن تەڭگەنى قۇرادى. ونىڭ ىشىندە بولشەك ساۋدادا 6,1 ترلن تەڭگە, كوتەرمە ساۋدادا 14,5 ترلن تەڭگە بولدى.
قازىرگى ۋاقىتتا كوميتەت 3 نەگىزگى باعىت بويىنشا جۇمىس جۇرگىزىپ جاتىر:
– ساۋدا سالاسىن دامىتۋ ماسەلەلەرى بويىنشا مەملەكەتتىك ساياساتتى جەتىلدىرۋ;
– ساۋدا ينفراقۇرىلىمىن دامىتۋ;
– ازىق-ت ۇلىك تاۋارلارىنا باعالاردى تۇراقتاندىرۋ ماسەلەلەرى بويىنشا بىرىڭعاي مەملەكەتتىك ساياساتتى ىسكە اسىرۋدى قامتاماسىز ەتۋ.
سونىمەن قاتار ب.سۇلتانوۆ ساۋدا كوميتەتىنىڭ توراعاسىنا اۋىل شارۋاشىلىعى مينيسترلىگىنىڭ قانت سالاسىن دامىتۋ بويىنشا كەشەندى جوسپار ازىرلەۋ جۇمىسىنا بەلسەندى قاتىسۋدى تاپسىردى. ول يمپورتقا تاۋەلدىلىكتى ەداۋىر ازايتۋعا جانە ءوزىن-ءوزى قامتاماسىز ەتۋگە بىرتىندەپ كوشۋگە باعىتتالۋى كەرەك ەكەنىن اتاپ ءوتتى. سونداي-اق مۇددەلى ينۆەستورلاردى تارتا وتىرىپ, كتو جەلىسى بار ۇلتتىق تاۋار وتكىزۋ جۇيەسىن ىسكە قوسۋدى جەدەلدەتۋ قاجەت.
القا وتىرىسى بارىسىندا ترمك توراعاسى ارمان ابەنوۆ, تققك توراعاسىنىڭ ورىنباسارى الماس ءابجاپپاروۆ جانە سيم اپپارات باسشىسى جانىبەك ءنوپىروۆ مينيسترلىك قىزمەتىنىڭ ماسەلەلەرى بويىنشا بايانداما جاسادى.
ساۋدا جانە ينتەگراتسيا ءمينيسترى وتىرىستى قورىتىندىلاي كەلە, ۆيتسە-مينيسترلەر مەن كوميتەت توراعالارىنا بارلىق قابىلدانعان مىندەتتەمەلەردى, ونىڭ ىشىندە مەملەكەت باسشىسىنىڭ جاڭا تاپسىرمالارىن ۋاقتىلى جانە ساپالى ورىنداۋدى قامتاماسىز ەتۋدى تاپسىردى. سونداي-اق ەل ۇكىمەتىنىڭ كەڭەيتىلگەن وتىرىسىندا مەملەكەت باسشىسىنىڭ سىنىنا بايلانىستى ساۋدا كوميتەتى باسشىلىعىنىڭ جاۋاپكەرشىلىگىن قاراۋ تاپسىرىلدى.
