كۇرە جولدىڭ 35 شاقىرىمىندا اسفالت توسەلدى. جاقىن ارادا جول تاڭبالارى سىزىلادى. جول-قۇرىلىس جۇمىستارىن وتاندىق مەردىگەر ۇيىمدار جۇرگىزۋدە.
كۇردەلى جوندەۋ نىسانىندا قۇرىلىس-مونتاجداۋ جۇمىستارى ءۇشىن بارلىق قاجەت رەسۋرس قاراستىرىلدى. وسىلايشا, 140-تان استام ارنايى تەحنيكا مەن 200-دەن استام جول جۇمىسشىسى جۇمىلدىرىلدى. جۇمىستار تاۋلىك بويى جانە كەستەگە سايكەس جۇرگىزىلىپ جاتىر. جۇمىس قارقىنىن ارتتىرۋ ءۇشىن مەردىگەر ۇيىمدار ەكى اسفالتبەتون زاۋىتىن (ابز) ىسكە قوستى. جول-قۇرىلىس ماتەريالدارىنىڭ ءبىر بولىگى كورشىلەس اقتوبە جانە ماڭعىستاۋ وبلىستارىنان تاسىمالدانادى.
اتالعان رەسپۋبليكالىق تراسسانىڭ جالپى ۇزىندىعى 103 شاقىرىمدى قۇرايدى. كۇرە جول 2 ۋچاسكەدەن تۇرادى. جولدى قولدانىسقا بەرۋ 2023 جىلدىڭ سوڭىنا جوسپارلانىپ وتىر.
ەسكە سالايىق, بۇل جول قۇرىلىسى ۇزاققا سوزىلعان كۇرە جولداردىڭ قاتارىندا بولاتىن. الايدا بيىل جول-قۇرىلىس جۇمىستارى قايتا جاندانىپ, قارقىندى جۇرۋدە.
