ۆەدومستۆو مالىمەتىنشە, ەۋرازيالىق ەكونوميكالىق وداقتىڭ (ەاەو) كەدەن اۋماعىنا ءۇشىنشى ەلدەردەن ۋاقىتشا اكەلىنگەن كولىك قۇرالدارى شەتەلدىك تاۋار سانالادى جانە كەدەندىك باقىلاۋدا بولادى.
«مكك ۋاقىتشا اكەلىنگەن كولىك قۇرالدارىن ساتىپ الۋعا جانە قازاقستان اۋماعىندا پايدالانۋعا تەك كەدەندىك تازارتۋدان سوڭ جانە سايكەسىنشە تيەسىلى كەدەندىك الىمدار مەن سالىقتاردى تولەگەن سوڭ عانا قولدانۋعا بولاتىنىن ەسكەرتەدى», دەلىنگەن حابارلامادا.
قازىرگى ۋاقىتتا 116 اۆتوكولىك قۇرالى ۇستالىپ, ۋاقىتشا ساقتاۋ قويمالارىنا ورنالاستىرىلعان.
ء«سىز ساتىپ العالى جاتقان اۆتوكولىگىڭىزدىڭ شىعۋ تەگى نەمەسە زاڭدىلىعى كۇدىك تۋعىزاتىن بولسا, وندا قازاقستاندا كەدەندىك تازارتۋدان وتكەنى جانە تيەسىلى كەدەندىك الىمدار مەن سالىقتار تولەگەنى تۋرالى اقپاراتتى مەملەكەتتىك كىرىستەر ورگاندارىنان بىلۋگە بولادى. ول ءۇشىن تۇرعىلىقتى جەردەگى مەملەكەتتىك كىرىستەر دەپارتامەنتىنە, سونىمەن قاتار قر قم مكك بايلانىس ورتالىعىنا حابارلاسۋعا بولادى», دەدى مكك وكىلدەرى.
