الماتى وبلىسى پوليتسيا دەپارتامەنتىنىڭ ۇيىمداسقان قىلمىسپەن كۇرەس باسقارماسىنىڭ قىزمەتكەرلەرى 25 شىلدە كۇنى جەدەل-ىزدەستىرۋ شارالارىن جۇزەگە اسىرۋ بارىسىندا كيىك ءمۇيىزىن زاڭسىز الىپ بارا جاتقان ءبىر توپ ادامدى ۇستادى.
«جەدەل ىزدەستىرۋ جۇمىستارى بارىسىندا «الماتى-بىشكەك» رەسپۋبليكالىق تراسساسىندا كەتىپ بارا جاتقان كولىك توقتاتىلدى. وندا كولىكتىڭ سالونىنان 2048 دانا كيىك ءمۇيىزى سالىنعان 13 قاپ تابىلدى. اۋماقتىق ورمان شارۋاشىلىعى وكىلدەرىنىڭ الدىن الا ەسەبى بويىنشا مەملەكەتكە كەلگەن شىعىن 360 ملن تەڭگەنى قۇراپ وتىر. ۇستالعان كۇدىكتىلەرگە قاتىستى قر قك 339 بابى بويىنشا قىلمىستىق ءىس قوزعالدى. كۇدىكتىلەر ۋاقىتشا ۇستاۋ يزولياتورىنا قامالدى. قازىر تەرگەۋ امالدارى ءجۇرىپ جاتىر», دەدى الماتى وبلىستىق پوليتسيا دەپارتامەنتى باستىعىنىڭ ورىنباسارى ەلدار ابدىكەنوۆ.
