بەلگىلى بولعانداي, 35 جاستاعى كۇدىكتى 67 جاستاعى ەر ادامدى دەنە جاراقاتىمەن جول جيەگىنە قالدىرىپ كەتكەن.
«الدىن الا بولجام بويىنشا, ەكى جۇرگىزۋشى ءبىر-بىرىنە جول بەرمەي, ارالارىندا جانجال تۋىنداعان. كۇدىكتى ەموتسياعا بوي الدىرىپ, كولىكتەن شىعىپ, 67 جاستاعى جۇرگىزۋشىنى ۇرىپ-سوققان. العان جاراقاتتارىنان كەيىن جابىرلەنۋشى سول جەردە قايتىس بولدى. وسىعان بايلانىستى قىلمىستىق كودەكستىڭ 99-بابى 2-بولىگى بويىنشا سوتقا دەيىنگى تەرگەۋ باستالدى», دەلىنگەن ءباسپاسوز قىزمەتىنىڭ حابارلاماسىندا.
قازىر كۇدىكتىگە قاتىستى ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسى تاعايىندالدى. تەرگەۋ امالدارى ءالى جالعاسىپ جاتىر.
بۇل وقيعا 22 شىلدە كۇنى ساعات 20:15 شاماسىندا مۇنايلى اۋدانىنىڭ جاڭا داۋلەت كەنتىندە بولعان.
