ۇلتتىق بانك ۋاجىنە قاراساق, 2022 جىلدىڭ قورىتىندىسى بويىنشا ينفلياتسيا بۇرىنعى بولجامنان اسىپ تۇسەدى. جاڭا كۇتپەگەن وزگەرىستەر ورىن الماعان جاعدايدا ينفلياتسيانىڭ جىلدىق ءوسۋى 2023 جىلدىڭ ءبىرىنشى توقسانىنا دەيىن جالعاسىپ, ودان ءارى باياۋلايدى.
«بۇل شەشىم 2023 جىلى ينفلياتسيالىق پروتسەستەر مەن كۇتۋلەردى تۇراقتاندىرىپ, باياۋلاتۋعا جانە ينفلياتسيانى ورتامەرزىمدى پەرسپەكتيۆادا نىسانالى كورسەتكىشكە جاقىنداتۋعا باعىتتالعان. قالىپتاسقان ينفلياتسيالىق پروتسەستەردىڭ ورنىقتىلىعى, سۇرانىستى فيسكالدىق ىنتالاندىرۋ جانە سىرتقى پروينفلياتسيالىق احۋال حالىقتىڭ قاراجات جيناقتاۋ نيەتىن ىنتالاندىرۋ ءۇشىن ۇزاق ۋاقىت بويى بازالىق مولشەرلەمەنى قازىرگى دەڭگەيدە ۇستاپ تۇرۋدى تالاپ ەتەدى, بۇل كەلەسى جىل ىشىندە ينفلياتسياعا بىرتىندەپ اسەر ەتەتىن بولادى», دەلىنگەن ۇلتتىق بانك حابارلاماسىندا.
2022 جىلعى ماۋسىمدا جىلدىق ينفلياتسيا 14,5 پايىزعا دەيىن جەدەلدەگەن ەدى. بارلىق قۇرامداس بولىك بويىنشا باعا ءوسىپ كەلەدى – ازىق-ت ۇلىك تاۋارلارى (19,2 پايىز), ازىق-ت ۇلىككە جاتپايتىن تاۋارلار (13,2 پايىز) جانە اقىلى قىزمەتتەر (9,2 پايىز).
«بۇل جەتكىزۋ تىزبەگىندەگى ىركىلىستەرگە, سىرتقى ينفلياتسيالىق قىسىمنىڭ كۇشەيۋىنە بايلانىستى شىعاسىلار ينفلياتسياسىنىڭ ءوسۋى, سونداي-اق فيسكالدىق ىنتالاندىرۋدان قولداۋ تاپقان جوعارى سۇرانىس پەن تەڭگە باعامىنىڭ السىرەۋىنەن تۋىنداپ وتىر», دەيدى ۇلتتىق بانك.
ۇلتتىق بانكتىڭ دەرەگىنشە, الەمدە جوعارى ينفلياتسيالىق احۋال ساقتالىپ, سىرتقى مونەتارلىق جاعدايلار كۇشەيە باستاعان. فاو ازىق-ت ۇلىك باعالارىنىڭ يندەكسى ماۋسىمدا, نەگىزىنەن, وسىمدىك مايلارى, ءداندى داقىلدار مەن قانت ەسەبىنەن 2,3 پايىزعا تومەندەپتى. بىراق ءالى دە وتكەن جىلعى كورسەتكىشتەن 23,1 پايىزعا جوعارى شىعىپ, تاريحي ەڭ جوعارى كورسەتكىشتەرگە جۋىقتاعان ەكەن.
ساراپشىلار ۇلتتىق بانك ۇستانىمىن باعالايدى جانە دۇرىس دەپ ەسەپتەيدى. «اقشا-نەسيە ساياساتىن قاتاڭداتۋعا باعىتتالعان قازىرگى كۋرس سىرتقى ەكونوميكالىق جانە ىشكى فيسكالدى شوك جاعدايىندا قىسقا مەرزىمدى ماكروەكونوميكالىق تەپە-تەڭدىكتى ۇستاپ تۇرۋدا اسا قاجەتتى», دەپ جازادى تەلەگرامداعى Tengenomika كانالى.
AERC ساراپشىسى ەۆگەنيا پاكتىڭ ايتۋىنشا, ەگەر بازالىق ستاۆكا تومەندەسە نەسيە ارزانداپ, بۇل جاعداي بيزنەسكە وڭتايلى بولۋشى ەدى دەگەن نۇسقا – قازاقستان جاعدايىندا دۇرىس جۇمىس ىستەمەيتىن مەحانيزم.
«پراكتيكا كورسەتىپ وتىرعانداي, بازالىق ستاۆكانىڭ تومەندەۋى ءىرى جانە ورتا بيزنەستىڭ ەمەس, جەكە تۇلعالار نەسيەسىنىڭ كوبەيىپ كەتۋىنە جول اشادى. وسىلايشا, بازالىق ستاۆكانى تومەندەتۋ ارقىلى بيزنەستى نەسيەلەپ, ناتيجەسىندە ۇسىنىستى كوبەيتەمىز دەۋ قازاقستان جاعدايىندا جۇمىس ىستەمەيدى. ويتكەنى بانكتەر بىردەن جەكە تۇلعالار نەسيەسىن كوبەيتەدى جانە سۇرانىس ۇسىنىستان اسىپ كەتەدى, بۇل ءوز كەزەگىندە ينفلياتسيانى كۇشەيتەدى. ال بانكتەردى نارىقتىق جاعدايدا بەلگىلى ءبىر سەگمەنتتى نەسيەلەۋگە ءماجبۇر ەتۋ اقىلعا سىيىمسىز. ەگەر ەلىمىزدە تۇتىنىلاتىن تاۋاردىڭ باسىم بولىگى يمپورتتالاتىن بولسا, وندا بازالىق ستاۆكانى تومەندەتۋ ارقىلى ءبىز يمپورتتىق تاۋارلارعا دەگەن سۇرانىستى ارتتىرامىز. ناتيجەسىندە, ءوسىپ بارا جاتقان سۇرانىسقا جاۋاپ رەتىندە ەلدەگى تاۋار مەن قىزمەت يمپورتى دا وسە تۇسەدى, ونىڭ سوڭىندا يمپورتتالاتىن ينفلياتسيا كولەمى تەك وسە بەرەدى. قازىر ءبىز ونى رەسەيدەن كەلەتىن تاۋارلارعا قاتىستى بايقاپ وتىرمىز. سونىمەن بىرگە بازالىق ستاۆكانى تومەندەتۋ وتاندىق ءوندىرىستىڭ بۇكىل پروبلەماسىن شەشىپ بەرمەيدى», دەيدى ساراپشى.
ۇلتتىق بانكتىڭ حابارلاۋىنشا, بازالىق مولشەرلەمە بويىنشا كەلەسى شەشىم جازعى بولجامدى راۋندتىڭ جانە ماكروەكونوميكالىق كورسەتكىشتەردىڭ جاڭارتىلعان بولجامدى كورسەتكىشتەرىنىڭ, سىرتقى ورتاداعى جانە ىشكى ەكونوميكاداعى تاۋەكەلدەر تەڭگەرىمىنىڭ قورىتىندىسى بويىنشا قابىلدانباق.
اقشا-كرەديت ساياساتى كوميتەتىنىڭ بازالىق مولشەرلەمە بويىنشا كەزەكتى جوسپارلى شەشىمى 2022 جىلى 5 قىركۇيەكتە ساعات 14:00-دە جاريالانادى. سول كۇنى نۇر-سۇلتان ۋاقىتىمەن ساعات 16:00-دە ءباسپاسوز بريفينگى وتكىزىلەدى.
