جەر تەلىمىن ونلاين ساتىپ الۋعا بولادى

جاقىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى «ازا­ماتتارعا ارنالعان ۇكىمەت» مەم­لەكەتتىك كورپوراتسياسىمەن, اۋىل شارۋاشىلىعى جانە ادى­لەت مينيسترلىكتەرىمەن, «ۇلت­تىق اقپاراتتىق تەحنولوگيالار» اق-مەن جانە وبلىستىق اكىم­دىك­تەرمەن بىرلەسىپ, ەلەكتروندىق ساۋدا-ساتتىق ارقىلى مەملەكەت مەنشىگىنەن جەر ۋچاسكەلەرىن بەرۋ جونىندەگى جوبانى ىسكە
قوستى.

مەملەكەتتىك جەر كاداسترىنىڭ اۆتوماتتاندىرىلعان اقپاراتتىق جۇيەسى مەن «جىلجىمايتىن م ۇلىك تىركەلىمى» مەملەكەتتىك دە­رەك­تەر قورىنىڭ شاشىراپ جاتقان 226 بازاسى ءبىر جەرگە – جىل­جىمايتىن م ۇلىكتىڭ بىرىڭ­عاي مەملەكەتتىك كاداسترىندا جيناقتالعان.

جوبانىڭ ماقساتى – كليەنتتەر ءۇشىن دە, مەملەكەتتىك ورگاندار مەن ۆەدومستۆولار ءۇشىن دە بيزنەس-پروتسەستەردىڭ بارلىق سپەكترىن اۆتوماتتاندىرۋ. بۇل رەتتە سۋبەكت ءوزىنىڭ جۇگىنۋ بارىسىن تۇپكىلىكتى ناتيجەگە دەيىن باقىلاي الۋعا ءتيىس. ساۋدا-ساتتىققا قازاقستاننىڭ بارلىق ازاماتى قاتىسا الادى.

2022 جىلعى 22-24 ماۋسىمدا قى­زىلوردا وبلىسىنداعى ءۇش جەر ۋچاسكەسى ونلاين-اۋكتسيون ارقىلى ءساتتى ساتىلدى. ولاردىڭ ءبىرى باستاپقى باعاسى 1,5 ملن تەڭگە بولعان كەزدە «ەلەكتروندىق» باعا ارقىلى 2,8 ملن تەڭگەدەن استام قارجىعا, ال ەكىنشىسى 246 مىڭ تەڭگەگە, ءۇشىنشىسى 396 مىڭ تەڭگەگە ساتىلدى.

«ونلاين-اۋكتسيون مەملەكەتتەن جەر ساتىپ الۋ پروتسەسىن اشىق ءارى تۇسىنىكتى ەتۋگە, سونداي-اق وسى سالاداعى سىبايلاس جەمقور­لىق دەڭگەيىن تومەندەتۋگە سەپتىگىن تيگىزەدى. اتالعان تاجىريبە بۇ­كىل رەسپۋبليكاعا تاراتىلادى. سون­­­داي-اق «ازاماتتارعا ار­نال­­عان ۇكىمەت» مەملەكەتتىك كور­­­پوراتسياسى اكىم­دىك­تەرمەن بىر­­لەسىپ جىلجىمايتىن م ۇلىك­تىڭ بىر­ىڭعاي مەملەكەتتىك كاداست­رىن (جمبمك) ەنگىزۋ جۇ­مى­سى­مەن اينا­لىسىپ جاتىر. مەم­لە­كەتتىك جەر كا­داسترى­­نىڭ اۆتو­مات­تاندىرىلعان اقپا­­راتتىق جۇ­يەسى (مجك ااج) مەن «جىل­جى­مايتىن م ۇلىك تىر­كەلىمى» مەم­لەكەتتىك دەرەكتەر قورىنىڭ (جمت مدق) شاشىراپ جاتقان 226 بازاسى وسى جمبمك-دا توعىس­تىرىلعان. جەر قورى مەن جىل­جىمايتىن م ۇلىك نىساندا­رى تۋرالى اق­پاراتتى ونلاين جۇمىس ىستەيتىن جاريا كا­داستر­لىق كارتادان الۋعا بولادى. سون­داي-اق «ازاماتتارعا ارنال­عان ۇكى­مەت» مەملەكەتتىك كورپو­را­تسياسى جەرگە ورنالاستىرۋ جوبا­سىن ازىرلەۋدەن باس­تاپ قۇ­قىق­تاردى تىركەي وتىرىپ, جەر ۋچاس­كەسىنە اكتىنى دا­يىن­داۋعا دە­يىن جەر ۋچاسكەسىنە قاجەتتى قۇجات اينا­لىمىنىڭ تولىق تسيك­لىن قام­تاماسىز ەتەتىنىن اتاپ وتەمىز», دە­لىنگەن مينيسترلىك حابارلاماسىندا.

ايتا كەتەيىك, جەر كاداسترى دەپار­تامەنتتەرى بارلىعى 10 مەملەكەتتىك قىز­مەت كورسەتەدى. ولار – جەر جوبالارىن جاساۋ; جەر ۋچاسكەلەرىنىڭ شەكارالارىن بەلگىلەۋ; جەر ۋچاسكەلەرىن كولدەنەڭ جانە بيىكتىكتەن ءتۇسى­رۋ; اۋىل شارۋاشىلىعى جەرلەرى­نە تۇگەندەۋ جۇرگىزۋ; جەر ۋچاس­كەلەرى ءۇشىن تولەماقىنىڭ با­زالىق ستاۆكالارىن ەسەپتەۋ; با­عالاۋ ايماقتارى­نىڭ شەكارا­لارىن قۇرۋ; ب ۇلىنگەن جەر­لەر­دى قالپىنا كەلتىرۋ جوبالارى; اەرو­فوتوتۇسىرىلىم جۇمىستارى; كوندومينيۋم وبەكتىلەرىندەگى جەر ۋچاسكەسىنىڭ ۇلەسىن ەسەپتەۋ; جەر-كاداسترلىق قۇجاتتاردىڭ كوشىرمەلەرىن بەرۋ جانە تاعى باسقالار.

سونداي-اق كليەنتتەرگە ىڭ­عايلى بولۋ ءۇشىن, جەر كاداسترى بويىنشا قىز­مەت كورسەتەتىن قىز­مەتكەرلەر بۇرىن­عى­داي جەكە عيماراتتاردا ەمەس, حقو-دا ورنا­لاسقان.

جالپى, مەملەكەتتىك ماڭىزى زور قىز­مەتتەردىڭ تسيفرلانا باستاۋى بۇل سالا­داعى ساۋاتتى ما­مانداردىڭ دا كوبەيە ءتۇسۋ قا­جەت­تىلىگىن مەڭزەيدى. ەكىنشىدەن, كورسەتىلەتىن تسيفرلى قىزمەت ساپالى بولۋعا ءتيىس. بۇگىن جۇمىس ىستەپ, ەرتەڭ اشىل­ماي قالىپ جاتاتىن سايت, پورتال­دان پايدا شامالى. بۇل تۇرعىدا ءبىز­دىڭ كوپ ەلدەن كوش ىلگەرى ەكەنىمىز دە جاسىرىن ەمەس. قازىر egov.kz پورتالى جانە ونىڭ Egov Mobile قوسىمشاسى كەڭ كو­لەمدە قولدانىسقا يە. سونىمەن قاتار ­ەل ازاماتتارى بانكتەردىڭ ءموبيل­دى قوسىم­شاسىن دا بەلسەندى پاي­دالانادى.

تاياۋدا عانا مەملەكەت باسشىسى «قازاقستان رەسپۋبليكاسى­نىڭ كەيبىر زاڭنامالىق اكتىلەرى­نە يننوۆاتسيالاردى ىن­تالاندى­رۋ, تسيفرلاندىرۋدى, اقپا­رات­تىق قاۋىپسىزدىكتى دامىتۋ جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەس­پۋب­ليكاسىنىڭ زاڭىنا قول قوي­عان ەدى. اتالعان زاڭ وتاندىق تسيفرلاندىرۋ پروتسەسىنىڭ ودان ءارى قارىشتاپ دامۋىنا تىڭ سەرپىن بەرۋگە ءتيىس. زاڭدا ءتيىمدى ۇدەرىستەردى ارتىق شىعىنسىز ەنگىزۋ, اۋىر جانە بيۋروكراتياعا تولى بيزنەس-پروتسەستەردى جاي عانا اۆتوماتتاندىرماي, ولاردى قايتا جوبالاپ, بارىنشا ساپالى ەتۋ قاراستىرىلعان.

تسيفرلىق دامۋ ءمينيسترى باعدات ءمۋسيننىڭ ايتۋىنشا, eGov Mobile ءمو­بيلدى قو­سىمشاسىنداعى تسيفرلى قىز­مەت­تەرگە سۇرانىس ەكى ەسە وسكەن. قا­زىر سول ءموبيلدى قوسىمشا كومەگىمەن جەكە كۋالىك, جۇرگىزۋشى كۋالىگى, تۋ تۋرالى كۋالىك, نەكە تۋرالى كۋالىك, تەگىن, اتىن, اكەسىنىڭ اتىن وزگەرتۋ تۋرالى كۋالىك, نەكەنى بۇزۋ تۋرالى كۋالىك, تەحنيكالىق پاسپورت, COVID-19 ءۇشىن پتر تەس­تىلەۋ ناتيجەسى, ستۋدەنتتىك بيلەت, ديپلوم, زەينەتكەر كۋا­لىگى, قانداس كۋالىگى, كولىك قۇرا­لىن تىركەۋ تۋرالى كۋالىك, الەۋ­مەتتىك ID, ۆاكتسينالاۋ پاس­پور­تى, كوپبالالى وتباسىنىڭ جار­دەم­­اقىسىن الۋ, مۇگەدەكتىك كۋا­لىگى, اتاۋلى الەۋمەتتىك كومەك الۋ­شىنىڭ كۋالىگى سياق­تى قۇجات­تاردى الۋعا بولادى. بۇل اري­نە, ازاماتتاردىڭ ۋاقىتىن, ەنەرگياسىن جانە اقشاسىن ۇنەمدەيدى.

سونىمەن قاتار پرەزيدەنتتىڭ 2025 جىلعا قاراي كەمىندە 100 مىڭ جوعارى بىلىكتى IT-مامان دايارلاۋ مىندەتىن قوي­عانىن دا ۇمىتپاۋ كەرەك. بۇل دا – جەدەل تۇر­دە ەڭسەرىلۋگە ءتيىس تاپسىرما. اتال­عان مەرزىمگە دەيىن پرەزيدەنت ايت­قان مول­شەردە مامان دايارلاپ, ەڭبەك نارى­عىنداعى تاپشىلىق ورنىن تولتىرا الامىز با دەگەن ساۋال مازالايدى.

2021 جىلى ينتەرنەت ارقىلى جۇزەگە اسىرىلعان قىزمەتتىڭ اق­شالاي قۇنى 349,9 ملرد تەڭ­گە بولعان. 2020 جىلمەن سالىس­تىرعاندا 67,3 پايىزعا ىلگەرىلەۋ بايقالادى. Ranking ۇسىنعان دەرەككە سۇيەنسەك, ينتەرنەت ار­قىلى جاسالاتىن تاپسىرىستار ءۇش ەسە – 28,8 ملن-نان 85 ملن-عا دەيىن وسكەن, بۇل ورتاشا چەك باعاسىنىڭ 7,3 مىڭنان 4,1 مىڭعا دەيىن تو­مەندەۋىنە ىقپال ەتكەن. ينتەرنەت ار­قىلى ەڭ كوپ ساۋ­دالانعان قىزمەت ءتۇرى – جار­ناما قىزمەتى. ونىڭ قۇنى – 30,4 ملرد تەڭگە جانە بۇل سوما 2020 جىل­عى كور­سەتكىشتەن 6,2 ەسە كوپ. ودان كەيىن دەمالىس, ويىن-ساۋىق, مادەنيەت جانە سپورت سالالارى بويىنشا بيلەت ساتى­لى­مى تۇر. سوماسى – 28,5 ملرد تەڭگە. ءبىر جىل­دا 8,1 ەسە وسكەن. سونداي-اق ترانس­پورت­­تىق بيلەت ساتىلىمى دا ۇشتىككە كىرەدى.