قوس تاراپ قازاقستان مەن ليۋكسەمبۋرگ اراسىنداعى ديپلوماتيالىق قارىم-قاتىناستاردىڭ 30 جىلدىعىنىڭ نىشاندىعىن اتاپ ءوتىپ, ساياسي جانە ەكونوميكالىق ىنتىماقتاستىق ودان ءارى نىعايا بەرەتىنىنە سەنىم ءبىلدىردى. كەزدەسۋدە ەكى ەلدىڭ ەنەرگەتيكالىق جانە ازىق-ت ۇلىك قاۋىپسىزدىگىن قامتاماسىز ەتۋدىڭ ماڭىزدىلىعى, سونداي-اق پارلامەنتارالىق ديالوگتى, ونىڭ ىشىندە قازاقستان مەن ليۋكسەمبۋرگ پارلامەنتشىلەرىنىڭ ەكىجاقتى ساپارلارىن ۇيىمداستىرۋدى جانداندىرۋ ماسەلەسى تالقىلاندى.
قازاقستاندىق ديپلومات پارلامەنت توراعاسىن قازاقستان رەسپۋبليكاسىنىڭ پرەزيدەنتى ق.توقاەۆ باستاعان ساياسي رەفورمالارمەن, «جاڭا قازاقستاننىڭ» الەۋمەتتىك-ەكونوميكالىق دامۋىمەن, سونداي-اق دەموكراتيا, قۇقىقتىق مەملەكەت جانە ازاماتتىق قوعام ينستيتۋتتارى قاعيداتتارىن نىعايتۋعا باعىتتالعان جالپىحالىقتىق رەفەرەندۋم ناتيجەلەرىمەن تانىستىردى.
2022 جىلدىڭ ءبىرىنشى جارتىجىلدىعىندا قازاقستان مەن ەو اراسىنداعى ءوزارا تاۋار اينالىمىنىڭ ايتارلىقتاي وسكەنىن, ونىڭ قازىردىڭ وزىندە 20 ميلليارد اقش دوللارىنان ء(وسىم 51,2%) اسىپ كەتكەنىن اتاپ وتكەن م. بايمۇحان ساياساتكەردىڭ نازارىن قازاقستاننىڭ ەكسپورتتىق جانە كولىكتىك-ترانزيتتىك مۇمكىندىكتەرىنە اۋداردى.
قازاقستاندىق ديپلومات ەلىمىزدىڭ 2060 جىلعا قاراي كومىرتەگى بەيتاراپتىعىنا قول جەتكىزۋگە باسا نازار اۋدارىپ وتىرعانىن اتاپ ءوتتى, سونداي-اق قازاقستان ورتالىق ازياداعى ءىرى ەكونوميكا بولا وتىرىپ, ينۆەستيتسيالىق احۋالدى جاقسارتۋعا جانە ينۆەستورلار ءۇشىن بارىنشا قولايلى جاعداي جاساۋعا ەرەكشە كوڭىل بولەتىنىن اتاپ ءوتتى.
سونداي-اق قازاقستاندىق ديپلومات ليۋكسەمبۋرگ پارلامەنتشىگە ورتالىق ازيا مەملەكەتتەرى باسشىلارىنىڭ شولپان-اتادا وتكەن IV كونسۋلتاتيۆتىك كەزدەسۋىنىڭ قورىتىندىلارى مەن ايماق ەلدەرىنىڭ پرەزيدەنتتەرى قابىلداعان ورتالىق ازيانى ءححى عاسىردا دامىتۋ جونىندەگى دوستىق, تاتۋ كورشىلىك جانە ىنتىماقتاستىق بويىنشا شارت تۋرالى ايتتى.
فەرنان ەتگەن ءوز كەزەگىندە قازاقستانداعى ساياسي قايتا قۇرۋلار قازاقستاندىق دەموكراتيالىق ينستيتۋتتاردىڭ دامۋىنىڭ بەلسەندى كەزەڭىن كورسەتەتىنىن اتاپ ءوتىپ,ەلىمىزدىڭ ەكونوميكالىق جەتىستىكتەرى مەن ەكونوميكاسىن ءارتاراپتاندىرۋدىڭ ارتىپ كەلە جاتقانى ەلىمىزدىڭ جوعارى الەۋەتىن اشىپ كورسەتەتىنىن ايتتى.
پارلامەنتاري قازاقستان مەن ليۋكسەمبۋرگتىڭ الەمدىك ارەنادا ءوزارا مۇددەلەرى زور ەكەنىن اتاپ ءوتىپ, ءوزارا ءتيىمدى ىنتىماقتاستىقتى ودان ءارى نىعايتۋعا مۇددەلى ەكەنىن ءبىلدىردى.
تاراپتار الداعى ەكىجاقتى ءىس-شارالاردى جۇزەگە اسىرۋ ماقساتىندا تۇراقتى بايلانىستا بولۋعا كەلىستى. قازاقستاندىق ديپلومات ف.ەتگەنگە قر پارلامەنتى ءماجىلىسىنىڭ قازاقستانعا كەلۋگە شاقىرۋىن تاعى دا راستادى. ال ليۋكسەمبۋرگ پارلامەنتىنىڭ توراعاسى قازاقستاندىق ارىپتەستەرىمەن ليۋكسەمبۋرگتە كەزدەسۋگە دايىن ەكەنىن جەتكىزدى.
