ۇلىتاۋ توپىراعى – جوشى حان, الاشا حان كەسەنەلەرى, ەدىگە مەن توقتامىس سىندى الىپ تۇلعالاردىڭ رۋحى توعىسقان جەر. بۇل جەردە اۋليەتاۋداي كيەلى ورىن بار. ۇلىتاۋ – ۇلتتىق بىرلىگىمىزدىڭ سيمۆولى. ۇلىتاۋ وبلىسى جەزقازعان قالاسىنىڭ اكىمدىگى ۇيىمداستىرىپ جۇرگەن ءداستۇرلى « ۇلىتاۋ ءۇنى» فەستيۆالى اياسىندا وتەتىن «الاشا حان, جوشى حان – جىر ارقاۋى» اتتى رەسپۋبليكالىق جازبا اقىندار ءمۇشايراسىنىڭ باستى ماقساتى دا وسى – بابالار تاريحىن دارىپتەۋ, ۇلت بىرلىگىن ۇلىقتاۋ. جاس اقىن-جازۋشىلاردى قولداۋ, ولاردىڭ شىعارماشىلىعىن حالىققا تانىستىرۋدى كوزدەيتىن جىر سايىسىنا رەسپۋبليكالىق «انا ءتىلى» ۇلت گازەتى قولداۋ كورسەتىپ وتىر.
مۇشايراعا 18-40 جاس ارالىعىنداعى اقىندار قاتىسادى. ءار اقىن ۇلىتاۋ جەرىنىڭ تاريحىنا, ايگىلى تۇلعالارعا قاتىستى ەكى ولەڭ جانە ەركىن تاقىرىپتا ءبىر ولەڭ جىبەرەدى. ولەڭدەر بۇرىن جاريالانباعان بولۋعا ءتيىس. ۇمىتكەرلەردىڭ شىعارمالارى 2022 جىلدىڭ 20 تامىزىنا دەيىن قابىلدانادى. قورىتىندى شارا 2022 جىلدىڭ 10 قىركۇيەك كۇنى وتەدى دەپ جوسپارلانىپ وتىر. قازىلار القاسىنىڭ ساراپتاۋىنان ءوتىپ, لايىقتى دەپ تانىلعان شىعارمالاردىڭ اۆتورلارى اقشالاي سىياقىلارمەن ماراپاتتالادى. اقىندارعا تاعايىندالعان جۇلدەلەردىڭ اراسىندا ەڭبەك جولىن ۇلىتاۋ اۋداندىق « ۇلىتاۋ ءوڭىرى» گازەتىندە باستاعان, «Egemen Qazaqstan» گازەتىنىڭ جەزقازعان وبلىسىنداعى مەنشىكتى ءتىلشىسى, «انا ءتىلى» گازەتى باس رەداكتورىنىڭ ورىنباسارى بولعان, وسى ءوڭىر تۋرالى وزەكتى ماسەلەلەر كوتەرگەن بەلگىلى جۋرناليست, مارقۇم نۇرپەرزەنت دومباي اتىنداعى ارنايى سىيلىق بار.
ءمۇشايرا جۇلدەگەرلەرىن بەلگىلى تۇلعالاردان قۇرالعان قازىلار القاسى انىقتايدى. جىر سايىسىنىڭ ەرەجەسى تۋرالى تولىق اقپارات الەۋمەتتىك جەلىلەر مەن ينتەرنەت-سايتتاردا جاريالانادى.
دينا تازابەكقىزى
الماتى
