ەكى كۇن ىشىندە قاتىسۋشىلارعا جەتەكشى شەتەلدىك جانە قازاقستاندىق IT-كومپانيالاردان 100-گە جۋىق بوس جۇمىس ورنى ۇسىنىلدى. ولاردىڭ قاتارىندا inDriver, Glovo, Binance, Ticketon.kz, Sergek, Naimi, Kazdream, IMAS سەكىلدى بەلگىلى كومپانيالار بار. جارمەڭكەگە ۇزىن-سانى 400-گە جۋىق ادام قاتىسقان.
ءىس-شارا اياسىندا Astana Hub Beta Career/Freelance School باعدارلامالارى تۋرالى ايتىلدى. IT Recruitment ولگا پاك IT-سالادا جاس مامانداردى جالداۋدىڭ ەرەكشەلىكتەرى تۋرالى پرەزەنتاتسيا جاسادى. ال جۇمىسپەن قامتۋ ورتالىعىنىڭ مامانى ايگەرىم مەرسات جاستارعا ارنالعان مەملەكەتتىك قولداۋ شارالارى تۋرالى اقپاراتپەن ءبولىستى. سونداي-اق ۇسىنىلعان پودكاستتاردىڭ اقپاراتى دا قىزىقتى جانە پايدالى بولدى. ولار شەتەلدىك كومپانيالاردان قاشىقتان جۇمىس ىزدەۋدى, شەتەلدىك بوس جۇمىس ورىندارى ءۇشىن تۇيىندەمەنى دۇرىس قۇراستىرۋدى ۇيرەتتى جانە ءساتتى مانساپ پەن يدەالدى كانديدات فورمۋلاسى تۋرالى ايتىلدى.
– مەن Alem باعدارلامالاۋ مەكتەبىندە وقيمىن جانە كوممەرتسيالىق باعدارلامالاۋ بويىنشا ءبىلىمىمدى جەتىلدىرۋگە بەل بۋدىم. تاعىلىمدامادان ءوتۋدى نەمەسە جۇمىس تابۋدى جوسپارلاپ وتىرمىن. سوندىقتان وسىندا كەلدىم. مۇندا كوپتەگەن پايدالى اقپارات الدىم, – دەيدى جاس باعدارلاماشى ماقسات مامبەتاليەۆ.
Naimi.kz ماركەتپلەيسىنە middle back-end ازىرلەۋشىسى, middle android developer جانە قولداۋ مەنەدجەرى قاجەت ەكەن. كومپانيا جاس مامانداردى دا, تاجىريبەلى قىزمەتكەرلەردى دە قاراستىرماق. Kazdream ءىت-حولدينگى قاۋىپسىز جانە جايلى بولاشاق قۇرۋعا دايىن پىكىرلەس ادامداردى ىزدەيدى. كومپانيا جارمەڭكەنىڭ ناتيجەسىندە تاعىلىمدامادان وتۋگە نەمەسە جۇمىستى باستاۋعا نيەتتى مامانداردى تاپقانىن حابارلادى. ال InDriver كومپانياسى ءونىم ديزاينەرىنە, Global Operations مامانىنا, كونتەكستىك جارناما مەنەدجەرىنە جانە باسقا دا ماماندارعا ىزدەۋ سالدى.
– Astana Hub Job Fair مەملەكەتتىك, كۆازيمەملەكەتتىك جانە IT-سالاداعى جەكە كومپانيالاردى, فريلانسەرلەردى, جوعارى وقۋ ورىندارى مەن باعدارلامالاۋ مەكتەپتەرىنىڭ ستۋدەنتتەرىن ءبىر ارناعا توعىستىردى. جۇمىس ىزدەۋشىلەر جۇمىس بەرۋشىلەرمەن جۇزبە-ءجۇز كەزدەسىپ, قىزىقتىرعان سۇراقتارعا جاۋاپ الىپ, سپيكەرلەردىڭ كەڭەستەرىن تىڭدادى. جارمەڭكە ناتيجەلى بولدى دەپ ايتۋعا تولىق نەگىز بار, – دەيدى Astana Hub اتقارۋشى كەڭسەسىنىڭ ديرەكتورى دانيا احمەتوۆا.
ەسكە سالا كەتەيىك, Astana Hub Job Fair 2022 بىلىكتى كادرلاردى ىزدەۋ تۇرعىسىنان قازاقستاندىق جانە شەتەلدىك IT-كومپانيالاردى قولداۋ ماقساتىندا وتكىزىلدى. ءومىرىن IT-سالاسىمەن بايلانىستىرعىسى كەلەتىندەرگە بۇل الەۋەتتى جۇمىس بەرۋشىلەرمەن تانىسۋ ءۇشىن جاسالعان تاماشا مۇمكىندىك. Astana Hub الداعى ۋاقىتتا دا IT-سالاداعى HR-الاڭدى بەلسەندى تۇردە دامىتۋعا نيەتتى.
