اتالعان قاناتقاقتى جوبا ارقىلى 2022 جىلى مۇگەدەكتىكتى بەلگىلەۋ بويىنشا سىرتتاي قىزمەت كورسەتۋدى 20%-عا دەيىن جەتكىزۋ جوسپارلانعان. قازىرگى ۋاقىتتا بۇل كورسەتكىش 21,6%-دى قۇرايدى.
بۇعان دەيىن حابارلانعانداي, ۇلتتىق قوعامدىق سەنىم كەڭەسىنىڭ VI وتىرىسىندا مەملەكەت باسشىسى ەرەكشە قاجەتتىلىكتەرى بار ادامدار ءۇشىن بارىنشا قولايلى جاعداي جاساۋدى, ولاردى قاعازباستىلىقتان ارىلتۋدى, ينستانتسيالار بويىنشا ءجۇرۋىن جانە قىزمەت كورسەتۋشىلەردىڭ قىزمەت الۋشىلارمەن بايلانىسىن بولدىرماۋدى تاپسىردى. وسى تاپسىرمانى ورىنداۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ, سونداي-اق تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىمەن بىرلەسىپ, قازاقستاننىڭ بارلىق 20 وڭىرىندە مەديتسينالىق-الەۋمەتتىك ساراپتاما ء(ماس) جۇرگىزۋدىڭ سىرتتاي فورماتى بويىنشا جوبانى قولعا الدى.
مۇگەدەكتىك توبىن انىقتاۋ بويىنشا قىزمەت الۋ ءۇشىن ءوتىنىش بەرۋشى تەك تۇرعىلىقتى جەرى بويىنشا ەمحاناعا بارىپ, قاجەتتى تەكسەرۋدەن ءوتۋى قاجەت. قالعان پروتسەستەر اقپاراتتىق جۇيەلەردى ينتەگراتسيالاۋ ەسەبىنەن ءوتىنىش بەرۋشىنىڭ قاتىسۋىنسىز وتەدى. جالپى, سىرتتاي كۋالاندىرۋعا كوشۋ اكىمشىلىك جانە بيۋروكراتيالىق كەدەرگىلەردى جويادى, ءماس ساراپتامالىق شەشىمدەرىنىڭ اشىقتىعىن قامتاماسىز ەتەدى, ۇيدەن شىقپاي-اق مۇگەدەكتىكتى بەلگىلەۋ جانە مۇگەدەكتىگى بار ادامداردى الەۋمەتتىك قورعاۋ شارالارىن ايقىنداۋ بويىنشا قىزمەتتەر الۋعا مۇمكىندىك بەرەدى. وسىلايشا, بۇل قادامدار سىبايلاس جەمقورلىق تاۋەكەلدەرىن بارىنشا ازايۋىنا ىقپال ەتەدى.
