قالالىق ارحيۆكە 60-قا جۋىق ءىس, مىڭعا تارتا قۇندى قۇجات تاپسىرىلدى. ءبىر اۋلەتتىڭ بالالارى اتا-بابالارىنان قالعان جادىگەرلەردى مۇراعاتقا وتكىزىپ, قازاق رۋحانياتىنا ءوز ۇلەسىن قوستى.
شاراعا جينالعان قاۋىم جىلى لەبىزىن ءبىلدىردى. العاشقى ءسوز كەزەگى وبلىستىق انالار كەڭەسىنىڭ ءتورايىمى جامال قاسىمبەكوۆاعا بەرىلدى.
«انداس اۋلەتىنىڭ قورى» ميللياردتان اسا حالقى بار قىتاي مەملەكەتىندەگى قازاق قانداستارىمىزدىڭ تاريحىن بىلۋىمىزگە ۇلكەن كومەك. مەملەكەت باسشىسى قاسىم-جومارت توقاەۆتىڭ كىتابىن وقىپ وتىرىپ, وسى قىتاي مەملەكەتى تۋرالى كوپ نارسەنى بىلگەنمىن. ولاردىڭ قانداي حالىق ەكەنىن, ادەت-عۇرپىن دەگەندەي... سوندىقتان اۋلەتتىڭ يگى ءىسى كوپكە ۇلگى», دەدى ج.قاسىمبەكوۆا.
«انداس اۋلەتى» حالىق شىعارماشىلىعىن, قازاق فولكلورىن زەرتتەپ, اتا مۇراسىن ارداقتاپ, ۇلتتىق ونەردى جالعاستىرىپ كەلەدى. بۇگىندە 7 بالا, 16 نەمەرە-جيەن تاربيەلەپ وتىر. انداستان تاراعان ۇرپاقتار اتا-بابالارىنىڭ بەس عاسىر بويى تۇتىنعان 700-دەن استام جادىگەرىن ساقتاپ, مۇقيات زەردەلەگەن. ونىڭ ءبىر بولىگىن كۇنەس اۋداندىق مۇراجايىنا ساقتاۋعا تاپسىرسا, 100-گە جۋىعىن «اتامەكەن» مادەني ورتالىعىنىڭ قورىنا وتكىزگەن.
«ماسەلەن قىتايدا ءار وتباسىنىڭ وزىندىك ءارحيۆى بولادى. بىزدە دە سول نارسە قالىپتاسۋ كەرەك. شەتەلدە بۇل ءداستۇر جالعاسقان. ال ول نەسىمەن قۇندى دەگەندە, سونداعى ارحيۆ سانىمەن جانە قۇجاتتارىمەن باعالى. مىسالى, ءبىر جاپىراق قۇندى قاعازدى جۇمارلاپ تاستاي سالساڭىز قوقىس, جيناپ قويساڭىز م ۇلىك, ال ارحيۆكە وتكىزسەڭىز ول مەملەكەت مەنشىگىنە اينالىپ, قۇندى قۇجات بولماق», دەدى انداس اۋلەتىنىڭ ءبىر مۇشەسى, جۋرناليست قاجەت انداس.
بۇگىندە اتالعان وتباسىنىڭ ونەگەسىن اۋلەتتىڭ نەمەرە-جيەندەرى جالعاستىرۋدا.
