جابايى وسەتىن قاراسورانىڭ ءوسۋ الاڭدارى جانە قۇرامىندا ەسىرتكى زاتتارى كوپ كاننابيستى ءوسىرۋ ولاردىڭ زاڭسىز اينالىمىن تەك ەل ىشىندە عانا ەمەس, ودان تىس جەرلەردە دە ىنتالاندىرادى.
وسىعان بايلانىستى, ءتسدياوم عارىشتىق مونيتورينگتىڭ زاماناۋي تەحنولوگيالارىن قولدانا وتىرىپ, 2022-2023 جىلدارعا ارنالعان ەسىرتكى قىلمىسىنا قارسى ءىس-قيمىل جانە ناشاقورلىقتىڭ الدىن الۋ شارالارىن جەتىلدىرۋ بويىنشا باستاماشىلىق جاسالعان جول كارتاسىن ىسكە اسىرۋ ءۇشىن قر ىشكى سىتەر مينيسترلىگىمەن بەلسەندى جۇمىستاردى جۇرگىزۋدە.
«قۇرامىندا ەسىرتكى بار وسىمدىكتەردىڭ ارەالدارىن انىقتاۋدىڭ ءتيىمدى ادىستەرىنىڭ ءبىرى - جەردى قاشىقتىقتان زوندتاۋ, ونى قولدانۋ تاجىريبەسىن «قازاقستان عارىش ساپارى «ۇك» اق ماماندارى زەردەلەپ, كەزەڭ-كەزەڭىمەن ەنگىزۋدە. 2022 جىلى عارىشتىق مونيتورينگ ناتيجەسىندە 686,000 شارشى شاقىرىم اۋماق قامتىلىپ, وندا كاننابيس وسىرۋدەن زارداپ شەككەن ۋچاسكەلەر انىقتالدى. ۋچاسكەلەر تۇركىستان, قاراعاندى, اقتوبە, جامبىل جانە قىزىلوردا وبلىستارىندا ورنالاسقان», دەپ اتاپ ءوتتى قر ءتسدياوم اەروعارىش كوميتەتىنىڭ توراعاسى باۋبەك ورالماعامبەتوۆ.
ايتا كەتۋ كەرەك, 2019 جىلى عارىشتىق مونيتورينگتىڭ كومەگىمەن قىزىلوردا جانە جامبىل وبلىستارىندا 123, 2020 جىلى – 94, ال 2021 جىلى تەك قىزىلوردا وبلىسىنىڭ اۋماعىندا – 77 ەسىرتكى ەگىلگەن القاپتار انىقتالدى.
عارىشتىق مونيتورينگ دەرەكتەرىن ۆەريفيكاتسيالاۋ «قازاقستان عارىش ساپارى» ۇك» اق جانە ءىىم-ءنىڭ ارنايى بولىمشەلەرى قىزمەتكەرلەرىنىڭ ەسىرتكى پلانتاتسيالارى انىقتالعان جەرلەرگە بارۋى ارقىلى جۇزەگە اسىرىلادى.
سونداي-اق قۇرامىندا ەسىرتكى بار وسىمدىكتەر ارەالدارىنىڭ ورنالاسقان جەرى تۋرالى دەرەكتەردى ۇسىنۋدىڭ جەدەلدىگى مەن تيىمدىلىگىن قامتاماسىز ەتۋ ءۇشىن وتاندىق KazEOSat-1 جانە KazEOSat-2 عارىش اپپاراتتارىنان, سونداي-اق شەتەلدىك جەرسەرىكتەردەن الىنعان عارىشتىق تۇسىرىلىمدەرىن پايدالانا وتىرىپ, اقپاراتتى جيناۋ, وڭدەۋ, تالداۋ جانە ءتۇسىندىرۋ جونىندەگى ءىس-شارالار كەشەنى جۇرگىزىلەدى.
بۇل ماسەلە قازاقستان رەسپۋبليكاسى ۇكىمەتىنىڭ ەرەكشە باقىلاۋىندا.
