«جاس مامان» جوباسى اياسىندا بولىنگەن 171 ملن تەڭگەدەن استام سوماعا بيۋدجەت قاراجاتىن جىمقىرۋ فاكتىسى انىقتالدى. بۇل جوبانىڭ ماقساتى - سۇرانىسقا يە 100 ماماندىق بويىنشا كوللەدجدەر مەن جوعارى وقۋ ورىندارىن جاڭعىرتۋ جانە بىلىكتى ماماندار دايارلاۋدىڭ حالىقارالىق تاجىريبەسىن ەنگىزۋ.
«قازىرگى ۋاقىتتا قىلمىستىق ءىس شەڭبەرىندە بىرقاتار جەدەل-تەرگەۋ ءىس-شارالارى, ونىڭ ىشىندە ءتيىستى ساراپتامالار جۇرگىزىلۋدە, ولاردىڭ ناتيجەلەرى بويىنشا قىلمىستىق ءىس بويىنشا پروتسەستىك شەشىم قابىلداناتىن بولادى. وزگە اقپارات جاريا ەتۋگە جاتپايدى», دەلىنگەن ۆەدومستۆو حابارلاماسىندا.
