ماسەلەن, بەيبىتشىلىك جانە كەلىسىم سارايى اۋماعىندا امفيتەاتر, قالانىڭ وڭ جاعالاۋىنداعى تاعى ءبىر جاياۋ جۇرگىنشىلەر جولى, 100-گە جۋىق اۋلا مەن قوعامدىق كەڭىستىك سالىندى. ولاردىڭ بارلىعى ەلوردانىڭ ۆيزيت كارتالارىنا – قالا تۇرعىندارى مەن قوناقتارى ءۇشىن تارتىمدى ورىندارعا اينالدى.
«وزدەرىڭىز بىلەتىندەي, ءبىز «نۇر-سۇلتان – جايلى قالا» ماستەر-جوسپارىن قابىلدادىق. بيىل تاعى 200-دەن استام قوعامدىق كەڭىستىك پەن اۋلا قۇرىلادى.
مىسالى, وڭ جاعالاۋدا ءبىز العاشقى جاياۋ جۇرگىنشى جولىن, ورتالىق ساياباقتى, قالا الاڭىن سۋبۇرقاقتارمەن, «تەاترالنىي» بۋلۆارىمەن («جاستار» سارايىنان مۋزىكالىق جاس كورەرمەن تەاترىنا دەيىن), جاعالاۋدى جالعادىق. بەيبىتشىلىك جانە كەلىسىم سارايىنىڭ جانىندا امفيتەاتر اشىلدى, باراەۆ كوشەسىندە تاعى ءبىر جاياۋ جۇرگىنشىلەر جولى اباتتاندىرىلدى, كوشە سپورتىنىڭ كوليزەيى اشىلدى, كوپىر الاڭدارى اباتتاندىرىلدى. ولاردىڭ بارلىعى قالا تۇرعىندارى ءۇشىن دە, قالا قوناقتارى ءۇشىن دە تارتىمدى ورىندارعا اينالدى», دەدى التاي كولگىنوۆ.
سونداي-اق ەلوردادا قۇتقارۋشىلار, مۇعالىمدەر, مەديتسينا قىزمەتكەرلەرىنىڭ قۇرمەتىنە ساياباقتار اباتتاندىرىلدى, كوكتال ەلدى مەكەنىندە ساياباق اشىلدى. قالا تۇرعىندارى مەن قوناقتارى قوعامدىق كەڭىستىكتەر مەن اۋلا اۋماقتارىندا, اتاپ ايتقاندا: باسكەتبول/فۋتبول الاڭدارىندا, workout-ايماقتاردا, دەمالىستى تىنىش ورىندا وتكىزۋگە ارنالعان ايماقتاردا, اتكەنشەكتەر, شىعارماشىلىق ونەر كورسەتۋگە ارنالعان كورىنىستەر, سكەيت-ايماقتاردا دەمالا الادى.
وسىلايشا, ەلوردادا قۇرعاپ قالعان ورىندار, قاراۋسىز قالعان ۋچاسكەلەر مەن باتپاقتى جەرلەر سانى ايتارلىقتاي ازايدى. ولاردىڭ ورىندارىندا قالا تۇرعىندارى مەن قوناقتارى ءۇشىن تارتىمدى ورىندار پايدا بولدى. اباتتاندىرۋ جۇمىستارى باس شاھاردىڭ بارلىق اۋداندارىن قامتىدى.
