ءبىلىم • 07 شىلدە، 2022

الەمدىك جارىستا رەكورد ورناتتى

32 رەت كورسەتىلدى

قازاقستاندىق وقۋشىلار FIRST Tech Challenge UK and Ireland دەپ اتالاتىن ەكى بريتاندىق ماۋسىمارالىق وليمپيادادا جەڭىسكە جەتتى. بۇل جەڭىس وقۋشىلارعا الەمنىڭ جەتەكشى ۋنيۆەرسيتەتتەرىنە تۇسۋگە مۇمكىندىك بەرە­دى. دارابوزدار 20 ويىننىڭ 19-ىن­دا رەكوردتىق ۇپايمەن جەڭىسكە جەتتى جانە قازى­لار القاسىنىڭ 3 اتالىمىن ۇتىپ، جارىستىڭ رەكوردىن جاڭارتتى.

وقۋ-اعارتۋ مينيسترلىگى تاراتقان اق­پاراتقا سۇيەنسەك، ۇلتتىق قۇراما سا­پىن­دا 15-17 جاس ارالىعىنداعى 12 وقۋ­شى ونەر كورسەتتى. ولاردىڭ بارلىعى – روبوت­تەحنيكا بويىنشا قازاقستان­دىق جانە حا­لىقارالىق جارىستاردىڭ جەڭىم­­پاز­دارى مەن جۇلدەگەرلەرى.

ءبىرىنشى FIRST Tech Challenge – West Midlands جارىسى 28 ماۋسىمدا ۆۋل­ۆەرەمپتوندا، ۋەست-ميدلەندس گراف­­تىعىندا ءوتتى. وندا قازاقستان­دىق وقۋ­­شىلار 10 ويىننىڭ 10-ىندا جەڭىس­كە جە­تىپ، ۇزدىك ونەر كورسەتكەن كوماندا­عا بە­رىلەتىن باس تورەشى اتالىمىنىڭ Judges Award جۇلدەسىن جەڭىپ الدى.

1 شىلدەدە لوندوندا FIRST Tech Challenge – South East ەكىنشى جارىسى ءوتتى. ويىندارعا بريتاندىق مىقتى كوماندالاردان بولەك، باسقا ەلدەردەن دە كەلگەن جاسوسپىرىمدەر قاتىستى. وندا وقۋ­شىلارىمىز 10 ويىننىڭ 9-ىن­دا جەڭىسكە جەتىپ، ءى ورىندى جەڭىپ الدى. سونداي-اق وقۋشىلار قازىلار القا­سى­نىڭ ەكى ماراپاتى – Judges Award جانە Control Award سىيلىعىنا يە بولدى.

USTEM Robotics-ءتىڭ قازاقستاندا­عى جانە ورتالىق ازياداعى روبوتتەح­نيكا دامىتۋ قورىنىڭ نەگىزىن قالاۋ­شى نۇرداۋلەت دوسماعامبەت: ء«بىزدىڭ ۇلى­بريتانياعا ساپارىمىز شىنى­مەن دە تاريحي ساتكە تولى بولدى. وقۋشى­لارىمىزدىڭ تاجىريبەسى باسەكەلەس­تەرى­نەن بىرنەشە ەسە از بولسا دا، ولار وزدەرىن جاقسى جاعىنان كورسەتە ءبىلدى جانە ۇزدىك ناتيجە كورسەتتى. سونىمەن قاتار FIRST باعدارلاماسىنىڭ جەكە قورىندا 80 ملن دوللار ستيپەن­دياسى بار جانە روبوتتەحنيكا چەمپيوناتىنىڭ جەڭىمپازدارى الەمنىڭ جەتەكشى ۋنيۆەرسيتەتتەرىنە، سونىڭ ىشىندە MIT، Yale جانە باسقا دا ۇزدىك ۋنيۆەرسيتەتتەرگە تەگىن وقۋعا ءوتىنىش بەرە الادى»، دەدى.

قازاقستاندىق وقۋشىلار ءبىر ايعا جۋىق ۋاقىتىن ءوز مەكتەپتەرىنىڭ زەرتحا­نالارىندا وتكىزىپ، روبوتتارىن قۇراس­تىرۋعا ارنادى. جاس ونەرتاپقىشتار روبوت بولشەكتەرىن وزدەرى مودەلدەدى، سودان كەيىن مەكتەپ شەبەرحانالارىنداعى 3D پرينتەر مەن لازەرلىك ماشينالاردا جوبالارىن جۇزەگە اسىردى.

ءبىلىم بايگەسىنە قاتىسقان وقۋشى نۇراسىل بەيسەنباي ەڭ مىقتى شەتەلدىك كوماندالارمەن جارىسقانىن ايتادى.

«روبوتتەحنيكا ارقىلى الەمدى تانۋعا، ساياحاتتاۋعا جانە باسقا ەل­دەردىڭ ۇزدىك وقۋشىلارىمەن كەزدەسۋگە مۇمكىندىك الدىق. ۇلىبريتانياعا جا­ساعان بۇل ساپارىمىز ءوز قابىلەتىمىز­گە سەنىمدىلىك بەردى. ءبىز انگليا مەن سولتۇستىك كيپردىڭ ەڭ مىقتى كوماندالارىمەن ەلدىڭ نامىسىن قورعاۋ ءۇشىن جارىستىق، ال ويىندار اراسىندا قارسىلاستارىمىزعا كومەكتەسىپ تە تۇردىق. بۇل بىزگە قىزىقتى بولدى، ويتكەنى بۇل جارىسقا ەكىنشى جىل عانا قاتىسىپ جاتىرمىز. بىراق ونداعان جىل بويى دايىندىق جۇرگىزگەن كومان­دا­لاردان جاقسىراق ونەر كورسەت­تىك. ۇيىمداستىرۋشىلار مەن باسقا كومان­دا­لاردىڭ جاتتىقتىرۋشىلارىنان العىس ەستىگەنىمىزگە قۋاندىق»، دەيدى ن.بەيسەنباي.

FIRST سايىسى وقۋ-اعارتۋ مينيستر­لىگىنىڭ وقۋشىلار مەن مۇعالىمدەردىڭ قاتىسۋى ءۇشىن ۇسىنعان وليمپيادالار تىزىمىنە ەنگىزىلگەن. جىل سايىن FIRST دەمەۋشىلىگىمەن 6 مەن 18 جاس ارالى­عىن­داعى بالالار اراسىندا ءتۇرلى جا­رىس­ وتكىزىلەدى. ءار سايىستىڭ تا­قىرى­بى مەن تاپسىرمالارىنىڭ كۇر­دەلىلىگى ءار­تۇرلى. تاپسىرمالار ناقتى الەمدىك ماسە­­لەلەرمەن بايلانىستى، مى­سالى، ونەر­­كاسىپتىك اۆتوماتتاندى­رۋ، تاۋ-كەن ءون­دىرۋ، قالدىقتاردى وڭ­دەۋ، عارىشتى زەرت­­تەۋ، بيومەديتسينا جانە باسقا دا ما­ڭىزدى تاقىرىپتار قامتىلعان.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار