اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى بۇل فاكتىنى راستادى.
تەڭىز كەن ورنىنداعى جارىلىس بۇگىن, 6 شىلدەدە جەرگىلىكتى ۋاقىتپەن ساعات 09:55 شاماسىندا بولعان.
الدىن الا دەرەكتەرگە سايكەس, كەن ورنىنداعى اتموسفەرالىق گازى بار قۇبىردا گيدروتەست جۇرگىزىلگەن. ناتيجەسىندە, قىسىمعا توتەپ بەرە الماعان قۇبىر جارىلىپ كەتكەن.
«جىلىوي اۋدانىندا ورنالاسقان تەڭىز قالاشىعىندا قۇبىر جارىلىپ, سونىڭ سالدارىنان 1985 جىلى تۋعان ەكى قىزمەتكەر قايتىس بولدى. ءۇش ادام جاراقاتتاندى. زارداپ شەككەن 3 قىزمەتكەرگە مەديتسينالىق كومەك كورسەتىلىپ جاتىر», دەلىنگەن پد ءباسپاسوز قىزمەتىنىڭ حابارلاماسىندا.
قازىر اتالعان فاكتى بويىنشا قر قىلمىستىق كودەكسى 156-بابىنىڭ 3-بولىمىمەن سوتقا دەيىنگى تەرگەۋ امالدارى باستالدى. وزگە اقپارات قر قىلمىستىق-پروتسەستىك كودەكسىنىڭ 201-بابىنا سايكەس جاريالاۋعا جاتپايدى.
كەن ورنىنداعى جارىلىسقا بايلانىستى اتموفەرالىق گازى بار قۇبىردا گيدروتەست جۇرگىزۋ جۇمىستارى تولىعىمەن توقتاتىلدى. ءتيىستى ورگاندار تەحنيكالىق قاۋىپسىزدىك تالابىنىڭ ساقتالۋىنا بايلانىستى تەكسەرۋدى باستادى.
