قوعام • 05 شىلدە، 2022

ەرەكشە بالالارعا كومەكتەسەتىن ماماندار كوبەيدى

20 رەت كورسەتىلدى

ەلىمىزدەگى مەكتەپتەردە ارنايى مامانعا جاڭا شتات اشىلدى. سوعان سايكەس ەندى ورتا ءبىلىم بەرەتىن وقۋ وشاقتارىنداعى ەرەكشە بالالاردىڭ بەيىمدەلۋىنە كومەكتەسەتىن پەداگوگ-اسسيستەنتتەردىڭ سانى ەكى ەسە ءوستى. بۇعان دەيىن 700-ءدىڭ جوباسىندا مامان بولسا، قازىر ولار 1 454 ادامعا جەتىپ وتىر.

وقۋ-اعارتۋ مينيسترلىگىنىڭ مالىم­دەۋىنشە، پەداگوگ-اسسيس­تەنت­تەر ەرەكشە ءبىلىم بەرۋ قاجەت­­تىلىگى بار بالالارعا كوبى­رەك كوڭىل ءبولۋدى تالاپ ەتەتىن ين­كليۋزيۆتى وقىتۋ­دا سۇرانىس­قا يە. پەداگوگتەر ەرەكشە وقۋشىلار­دىڭ مەكتەپكە جانە وقۋ ۇردىسىنە بەيىمدەلۋىنە كومەكتەسەدى.

اتالعان ۆەدومستۆو جانىن­داعى مەكتەپكە دەيىنگى جانە ورتا ءبىلىم كوميتەتىنىڭ توراعاسى گۇلميرا كارىموۆا:

«وقۋ-اعارتۋ مينيسترلىگى ەرەكشە ءبىلىم بەرۋ قاجەتتىلىگى بار بالالاردىڭ ءبىلىم الۋىنا جاعداي جاساۋ ءۇشىن جۇمىس جۇرگىزىپ جاتىر. بۇعان دەيىن مينيستر اسحات ايماعامبەتوۆ وسىنداي شتات ەنگىزۋدى تاپسىرعان بولاتىن. ەندى 1،5 مىڭعا جۋىق پەداگوگ-اسسيس­تەنت ەرەكشە بالالار وقيتىن مەكتەپتەردە جۇمىس ىستەپ جاتىر. بۇل مۇعالىمنىڭ ءوزىن الماستىرا المايدى. دەسە دە پەداگوگ-اسسيس­تەنتتەر ەرەكشە ءرول اتقارادى، ولار بالالارعا باعىت بەرىپ، وقۋ ۇردىسىنە بەيىمدەلۋگە كومەكتەسەدى. ءبىز ەرەكشە قاجەتتىلىگى بار بالالار تۋرالى ايتىپ وتىرعاندىقتان، مىسالى، ەگەر بالا وزدىگىنەن قوزعالا الماسا، وندا پەداگوگ-اسسيستەنتتەر تەحنيكالىق كومەك كورسەتەدى. نە بولماسا بالاعا دەفەكتولوگتىڭ كومەگى قاجەت بولسا، پەداگوگيكالىق قولداۋ كورسەتەدى»، دەيدى.

پەداگوگ-اسسيستەنت جوعارىدا ايتىلعان فۋنكتسيالارعا قوسا ەرەكشە ءبىلىم بەرۋ قاجەتتىلىگى بار بالالارعا ارنالعان جەكە ءبىلىم بەرۋ باعدارلامالارىن ازىرلەۋگە قاتىسادى. قاجەت بولعان جاع­د­اي­دا وقۋ باعدارلامالارى وقۋشى­لاردىڭ ەرەكشەلىكتەرى مەن قاجەتتىلىكتەرىنە قاراي بەيىم­دەلەدى. پەداگوگ-اسسيستەنتتەر وتكەن ماتەريالدى مەڭگەرۋگە كومەكتەسىپ قانا قويماي، ەرەكشە بالانىڭ داعدىلارىنىڭ دامۋ دەڭگەيىن دە باقىلايدى. سونداي-اق ولار ەرەكشە ءبىلىم الۋدى قاجەت ەتەتىن بالالاردىڭ قاۋىپسىزدىگى مەن دەنساۋلىعىنا قاجەتتى جاعدايلاردىڭ ساق­تالۋىن قاداعالايدى.

مينيسترلىك الداعى ۋاقىتتا پەداگوگ-اسسيستەنت لاۋازىمىن مەكتەپكە دەيىنگى ۇيىمدارعا دا ەنگىزبەك.

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

تالانت پەن تاعدىر

ونەر • كەشە

شيپالى سۋلار شەجىرەسى

ايماقتار • كەشە

تاڭبالى تانىمى

تانىم • كەشە

تسيرك

ونەر • كەشە

ۇقساس جاڭالىقتار